February 13, 2024
February 13, 2024
കുവൈത്ത് സിറ്റി: കുവൈത്തില്‍ പുതിയ ഫാമിലി വിസിറ്റ് വിസ ഉള്ളവര്‍ക്ക് ജസീറ എയര്‍വേയ്സിലോ കുവൈത്ത് എയര്‍വേയ്സിലോ മാത്രമേ രാജ്യത്തേക്ക് പ്രവേശനം അനുവദിക്കുകയുള്ളുവെന്ന് അധികൃതര്‍ അറിയിച്ചു. മറ്റേതെങ്കിലും എയര്‍ലൈനുകളില്‍ രാജ്യത്തേക്ക് വരുന്നവര്‍ക്ക് പ്രവേശനം നിരസിക്കപ്പെടുമെന്നും യാത്രാക്കാരെ വന്ന സ്ഥലത്തേക്ക് തന്നെ തിരിച്ചയക്കുമെന്നുമാണ് റിപ്പോര്‍ട്ട്.
കുവൈത്ത് അന്താരാഷ്ട്ര വിമാനത്താവളത്തിലെ ഗ്രൗണ്ട് സര്‍വീസ് പ്രൊവൈഡര്‍മാര്‍ക്ക് ഡയറക്ടറേറ്റ് ജനറല്‍ ഓഫ് സിവില്‍ ഏവിയേഷന്‍ നിര്‍ദേശം നല്‍കിയതായും പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു.
നിര്‍ദേശങ്ങള്‍ നടപ്പിലാക്കുന്നതിലൂടെ വിമാന യാത്രാ നടപടിക്രമങ്ങള്‍ കാര്യക്ഷമമാക്കുകയും വിസ ചട്ടങ്ങള്‍ പാലിക്കുന്നുണ്ടെന്ന് ഉറപ്പാക്കുകയും ചെയ്യുമെന്നാണ് പ്രതീക്ഷിക്കുന്നതെന്നും അധികൃതര്‍ വ്യക്തമാക്കി.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
