December 28, 2023
December 28, 2023
റിയാദ്: കേരളത്തില്‍ പടരുന്ന കോവിഡിന്റെ ഉപവകഭേദമായ ജെഎന്‍ വണ്‍ കുവൈത്തിൽ കണ്ടെത്തി. നിലവില്‍ ആശങ്കപ്പെടേണ്ട സാഹചര്യമില്ലെന്ന് ആരോഗ്യമന്ത്രാലയം അധികൃതർ ഉറപ്പുനൽകിയതായി പ്രാദേശിക പത്രം റിപ്പോർട്ട് ചെയ്തു. രാജ്യത്തെ ആരോഗ്യ മന്ത്രാലയത്തിന് കീഴിലുള്ള 42 കേന്ദ്രങ്ങളിൽ “കോവിഡ്” വാക്‌സിന്റെ ഏറ്റവും പുതിയ പതിപ്പ് ലഭ്യമാണെന്നും, 60 വയസ്സിനു മുകളിൽ പ്രായമായവരും വിട്ടുമാറാത്ത രോഗങ്ങളുള്ളവരും രോഗപ്രതിരോധ ശേഷി കുറഞ്ഞവരും വാക്സിൻ സ്വീകരിക്കണമെന്നും ആരോഗ്യ മന്ത്രാലയം അധികൃതർ ആവശ്യപ്പെട്ടു.
അതേസമയം, ഡിസംബർ 21ന് സൗദിയിലും ജെഎന്‍ വണ്‍ കണ്ടെത്തിയിരുന്നു. ജെഎന്‍ വണ്‍ വകഭേദം രാജ്യത്ത് അതിവേഗം വ്യാപിക്കുന്നതായി സൗദി പബ്ലിക് ഹെല്‍ത്ത് അതോറിറ്റിയാണ് (വഖായ) അറിയിച്ചത്. നിലവില്‍ 36 ശതമാനമാണ് രാജ്യത്തെ കൊവിഡ് നിരക്ക്. എന്നാല്‍ ഐസിയു രോഗികളുടെ എണ്ണത്തില്‍ വര്‍ധനവ് ഉണ്ടായിട്ടില്ലെന്നും അതോറിറ്റി വ്യക്തമാക്കി. നിലവില്‍ ആശങ്കപ്പെടേണ്ട സാഹചര്യമില്ലെന്നും വാക്‌സിനുകള്‍ക്ക് രോഗത്തെ പ്രതിരോധിക്കാന്‍ ശേഷിയുണ്ടെന്നും സൗദി ആരോഗ്യ മന്ത്രാലയം അറിയിച്ചു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
