September 24, 2023
September 24, 2023
കുവൈത്ത് സിറ്റി: കുവൈത്തിൽ സാമ്പത്തിക തട്ടിപ്പ് കേസിൽ ഇന്ത്യക്കാരനെ അറസ്റ്റ് ചെയ്തതായി ആഭ്യന്തര മന്ത്രാലയം അറിയിച്ചു. പത്ത് ലക്ഷം കുവൈത്തി ദിനാറിന്റെ (27 കോടി ഇന്ത്യന് രൂപ) സാമ്പത്തിക തട്ടിപ്പിനാണ് ഇയാളെ അറസ്റ്റ് ചെയ്തത്. തട്ടിപ്പ്, മോഷണം, വിശ്വാസ വഞ്ചന എന്നിവയടക്കം 38 കേസുകളാണ് പ്രതിക്കെതിരെ ചുമത്തിയത്. കുവൈത്തിലെ സബാഹ് അല് നാസര് പ്രദേശത്ത് നിന്നാണ് പ്രതിയെ പിടികൂടിയത്.
16 കേസുകളില് നേരത്തെയും ഇയാൾ തടവിന് ശിക്ഷിക്കപ്പെട്ടിരുന്നു. പൊലീസിനെ കണ്ട് ഓടി രക്ഷപ്പെടാൻ ശ്രമിക്കുന്നതിനിടെ പ്രതിയെ പിന്തുടര്ന്ന് പിടികൂടുകയായിരുന്നു. പ്രതിയുടെ വിസ കാലാവധി കഴിഞ്ഞ ശേഷവും ഒമ്പത് വര്ഷമായി അനധികൃത താമസക്കാരനായി കുവൈത്തിൽ കഴിയുകയായിരുന്നു. നിയമ നടപടികള്ക്കായി പ്രതിയെ പബ്ലിക് പ്രോസിക്യൂഷന് കൈമാറിയതായി അധികൃതർ അറിയിച്ചു.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G