February 21, 2024
February 21, 2024
കുവൈത്ത് സിറ്റി: കുവൈത്തിൽ സർക്കാർ മേഖലയിലെ നിയമനങ്ങൾ, സ്ഥാനക്കയറ്റം, സ്ഥലം മാറ്റം തുടങ്ങിയവ മരവിപ്പിച്ച നടപടി പിൻവലിക്കുന്നു. ഇത് സംബന്ധിച്ച അമീർ ഷെയ്ഖ് മിശ്അൽ അൽ അഹ്മദ് അൽ ജാബിർ അൽ സബാഹിന്റെ തീരുമാനം മന്ത്രിസഭയെ അറിയിച്ചതായി ഉപപ്രധാനമന്ത്രിയും കാബിനറ്റ് കാര്യ സഹമന്ത്രിയുമായ ഷരീദ അൽ മൗഷർജി വ്യക്തമാക്കി. ഉത്തരവ് പുറപ്പെടുവിക്കുന്ന തീയതി മുതൽ നിയമം പ്രാബല്യത്തിൽ വരും.
2023 ഡിസംബർ അഞ്ചിനാണ് രാജ്യത്തെ എല്ലാ സർക്കാർ ഏജൻസികളിലെയും നിയമനങ്ങൾ, പ്രമോഷനുകൾ, സ്ഥലംമാറ്റം എന്നിവ നിർത്തലാക്കിയത്. മൂന്ന് മാസത്തേക്കാണ് നിരോധനം ഏര്പ്പെടുത്തിയിരുന്നത്.
പ്രധാനമന്ത്രി ഷെയ്ഖ് ഡോ. മുഹമ്മദ് സബാഹ് അൽ സാലിം അൽ സബാഹിന്റെ നേതൃത്വത്തിൽ സെയ്ഫ് പാലസിൽ ചേർന്ന മന്ത്രിസഭ പ്രതിവാര യോഗത്തിൽ വിഷയം ചർച്ച ചെയ്തു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F