November 09, 2023
November 09, 2023
മസ്കത്ത്: ജിസിസി ഏകീകൃത ടൂറിസ്റ്റ് വീസയ്ക്ക് അംഗീകാരം ലഭിച്ചു. മസ്കത്തില് ചേര്ന്ന ജി സി സി ആഭ്യന്തര മന്ത്രിമാരുടെ 40-ാമത് യോഗത്തിലാണ് ഇത് സംബന്ധിച്ച് തീരുമാനമെടുത്തത്. ജി സി സി രാജ്യങ്ങളിലെ ഗതാഗത നിയമ ലംഘനങ്ങള് ബന്ധിപ്പിക്കുന്ന ഇലക്ട്രോണിക് പദ്ധതിയുടെ ഒന്നാം ഘട്ടത്തിനും യോഗത്തില് തുടക്കമിട്ടു.
യോഗത്തില് ഒമാന് ആഭ്യന്തര മന്ത്രി സയ്യിദ് ഹമൂദ് ബിന് ഫൈസല് അല് ബുസൈദി അധ്യക്ഷത വഹിച്ചു. കുവൈത്ത് ഒന്നാം ഉപപ്രധാനമന്ത്രിയും ആഭ്യന്തര മന്ത്രിയുമായ ഷെയ്ഖ് തലാല് ഖാലിദ് അല് അഹമ്മദ് അസ്സബാഹ്, യുഎഇ ആഭ്യന്തര മന്ത്രി ഷെയ്ഖ് സായിഫ് സായിദ് അല് നഹ്യാന്, സൗദി ആഭ്യന്തര മന്ത്രി അബ്ദുല് അസീസ് സഊദ് അല് സഊദ്, ബഹ്റൈന് ആഭ്യന്തര മന്ത്രി ഷെയ്ഖ് റാഷിദ് ബിന് അബ്ദുല്ല അല് ഖലീഫ, ഖത്തർ ആഭ്യന്തര മന്ത്രി ഷെയ്ഖ് ഖലീഫ ബിന് ഹമദ് അല്താനി എന്നിവര് പങ്കെടുത്തു.
ആറു ഗള്ഫ് രാജ്യങ്ങളും ഒരു ടൂറിസ്റ്റ് വിസയിൽ സന്ദര്ശിക്കാന് സാധിക്കുന്ന ഏകീകൃത ഗള്ഫ് ടൂറിസ്റ്റ് വിസയാണ് പ്രാബല്യത്തിൽ വരുന്നത്. ഏകീകൃത ടൂറിസ്റ്റ് വിസാ സംവിധാനം ഗള്ഫ് ടൂറിസം മന്ത്രിമാര് കഴിഞ്ഞ മാസം അംഗീകരിച്ചിരുന്നു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CqJci12yE9VL8MZgKZYvGm
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F