February 10, 2024
February 10, 2024
കുവൈത്ത് സിറ്റി: കുവൈത്തില്‍ മന്ത്രിയായിരിക്കെ ജുഡീഷ്യറിക്ക് മുന്നില്‍ വ്യാജരേഖ ഹാജരാക്കിയ കേസില്‍ മുന്‍ മന്ത്രിക്ക് ജയില്‍ ശിക്ഷ വിധിച്ചു. വിചാരണയ്ക്കായി മന്ത്രിമാരുടെ കോടതിയിലേക്ക് റഫര്‍ ചെയ്തതിന് ശേഷമാണ് വിധി പറഞ്ഞതെന്ന് അല്‍-ഖബാസ് ദിനപത്രം റിപ്പോര്‍ട്ട് ചെയ്തു.കൗണ്‍സിലര്‍ ഡോ.ഒമര്‍ അല്‍ മസൂദിന്റെ നേതൃത്വത്തിലുള്ള അന്വേഷണ സമിതി ചോദ്യം ചെയ്ത ശേഷം മന്ത്രിയെ ജാമ്യത്തില്‍ വിട്ടയച്ചതായി വൃത്തങ്ങള്‍ അറിയിച്ചു. അതേസമയം നിയമ നടപടികള്‍ പുരോഗമിക്കുകയാണ്.
ജുഡീഷ്യറിക്ക് മുന്നില്‍ സമര്‍പ്പിച്ച രേഖയില്‍ കൃത്രിമം കണ്ടെത്തിയതിന് പിന്നാലെയാണ് മുന്‍ മന്ത്രിക്കെതിരെ സ്റ്റേറ്റ് സെക്യൂരിറ്റി സര്‍വീസ് നടപടി ആരംഭിച്ചതെന്നാണ് റിപ്പോര്‍ട്ട്. പൊതു ഫണ്ട് ദുരുപയോഗം ചെയ്‌തെന്ന ആരോപണത്തില്‍ മറ്റ് മുന്‍ മന്ത്രിമാരേയും വരും ദിവസങ്ങളില്‍ ചോദ്യം ചെയ്യുമെന്നാണ് റിപ്പോര്‍ട്ട്.
ന്യൂസ്റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്‌സ്ആപ്പ് ചാനലില്‍ ജോയിന്‍ ചെയ്യുക - https://whatsapp.com/channel/0029Va9k1sH3rZZiZHLfLm0F
