December 04, 2023
December 04, 2023
കുവൈത്ത് സിറ്റി: കുവൈത്തില്‍ എണ്ണ ഉല്‍പാദന മേഖലയില്‍ തീപിടിത്തം. അപകടത്തില്‍ 15 തൊഴിലാളികള്‍ക്ക് പരിക്കേറ്റു. കഴിഞ്ഞ ദിവസമായിരുന്നു അപകടം. വടക്ക്-കിഴക്കന്‍ മേഖലയില്‍, അല്‍ ഷുവാലയിലെ എണ്ണ ഖനന മേഖലയിലാണ് തീപിടിത്തമുണ്ടായത്. തീ പെട്ടെന്ന് നിയന്ത്രണവിധേയമാക്കിയതിനാല്‍ ഉല്‍പാദനത്തെ ബാധിച്ചില്ല. അറ്റകുറ്റപ്പണികള്‍ക്കിടെയാണ് തീപിടിത്തമുണ്ടായതെന്നാണ് വിവരം. പരിക്കേറ്റ തൊഴിലാളികളെ ആശുപത്രിയിലേക്ക് മാറ്റിയതായി കമ്പനി അധികൃതര്‍ സോഷ്യല്‍ മീഡിയയിലൂടെ അറിയിച്ചു.
കഴിഞ്ഞ അഞ്ച് മാസങ്ങള്‍ക്കിടെ രാജ്യത്തെ എണ്ണ ഉല്‍പ്പാദന മേഖലയിലുണ്ടായ രണ്ടാമത്തെ തീപിടിത്തമാണിത്. ജൂലൈയില്‍ അല്‍-സൂര്‍ റിഫൈനറിയില്‍ ഉണ്ടായ തീപിടിത്തത്തില്‍ പരിക്കുകളൊന്നും റിപ്പോര്‍ട്ട് ചെയ്തിരുന്നില്ല.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
