January 27, 2024
January 27, 2024
കുവൈത്ത് സിറ്റി: കുവൈത്തില്‍ പ്രവാസികൾക്കുള്ള ഫാമിലി വിസ പുനരാരംഭിച്ചതായി കുവൈത്ത് ആഭ്യന്തര മന്ത്രാലയം അറിയിച്ചു. നാളെ (ജനുവരി 28) മുതല്‍ തീരുമാനം പ്രാബല്യത്തില്‍ വരുമെന്നും, വിസ അപേക്ഷകള്‍ സ്വീകരിച്ചു തുടങ്ങുമെന്നും ആഭ്യന്തര മന്ത്രാലയം വ്യക്തമാക്കി. കുവൈത്ത് ഉപപ്രധാനമന്ത്രിയും പ്രതിരോധ മന്ത്രിയും ആക്ടിങ് ആഭ്യന്തര മന്ത്രിയുമായ ഷെയ്ഖ് ഫഹദ് അല്‍ യൂസഫ് അല്‍ സബാഹിന്റെ നിര്‍ദേശപ്രകാരമാണ് 18 മാസത്തിലേറെയായി നിര്‍ത്തിവെച്ചിരുന്ന സന്ദര്‍ശക വിസ പുനരാരംഭിക്കുന്നത്.
അപേക്ഷകർക്ക് കുറഞ്ഞ ശമ്പളനിരക്ക് 800 ദിനാറും യൂനിവേഴ്‌സിറ്റി ബിരുദവും നിർബന്ധമാണ്. നേരത്തെ കുവൈത്തില്‍ സ്ഥിര താമസക്കാരായപ്രവാസികള്‍ക്ക് കുടുംബവിസ ലഭിക്കാന്‍ 450 ദിനാറായിരുന്നു കുറഞ്ഞ ശമ്പളനിരക്ക്. 2022 ജൂണിലാണ് കുവൈത്തിൽ കുടുംബ വിസ അനുവദിക്കുന്നത് നിര്‍ത്തിവച്ചത്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
