December 10, 2023
December 10, 2023
കുവൈത്ത് സിറ്റി: കുവൈത്തില് തെരഞ്ഞെടുക്കപ്പെട്ട വിഭാഗങ്ങള്ക്കായി വീണ്ടും കുടുംബ വിസകള് ആരംഭിക്കാന് സാധ്യത. അടുത്തവര്ഷം, 2024 തുടക്കത്തോടെ കുടുംബ/ ആശ്രിത വിസകളില് അപേക്ഷകള് ആരംഭിക്കുന്നത് ആഭ്യന്തര മന്ത്രാലയത്തിന്റെ പരിഗണനയിലാണെന്ന് അല് അന്ബ് പത്രം റിപ്പോര്ട്ട് ചെയ്തു. ഡോക്ടര്മാര്, സര്വകലാശാലകളിലേയും അപ്ലൈഡ് എഡ്യൂക്കേഷനിലേയും പ്രൊഫസര്മാര്, കൗണ്സിലര്മാര് തുടങ്ങിയ പ്രത്യേക വിഭാഗത്തിലുള്ള പ്രവാസികള്ക്കാണ് വിസ അനുവദിക്കുന്നത്. അതേസമയം ഇത് സംബന്ധിച്ച ഔദ്യോഗിക പ്രഖ്യാപനം വന്നിട്ടില്ല.
കുവൈത്ത് ആഭ്യന്തര മന്ത്രി ഷെയ്ഖ് തലാല് അല്-ഖാലിദ് അല് സാമ്പാഹിന്റെ മേല്നോട്ടത്തിലുള്ള ഡെമോഗ്രാഫിക് തന്ത്രത്തിന്റെ പരിധിയിലാണ് കുടുംബാംഗങ്ങള്ക്ക് പ്രവേശന വിസ അനുവദിക്കുന്നതെന്നാണ് റിപ്പോര്ട്ട്. ഇതിനായി ഒരു പ്രത്യേക കമ്മിറ്റിയേയും നിയോഗിക്കും. അതേസമയം ജിസിസി രാജ്യങ്ങളുടെ ഏകീകൃത ഗള്ഫ് വിസയില് ആരോഗ്യ ഇന്ഷുറന്സിന് പുറമെ സന്ദര്ശന സമയം അവസാനിച്ചതിന് ശേഷവും രാജ്യത്ത് തുടരുന്ന സന്ദര്ശകര്ക്ക് പ്രതിദിനം 100 ദിനാര് പിഴ ഈടാക്കുന്നതും മന്ത്രാലയത്തിന്റെ പരിഗണനയില് ഉണ്ടെന്ന് പ്രദേശിക പത്രം റിപ്പോര്ട്ട് ചെയ്തു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F