December 07, 2023
December 07, 2023
കുവൈത്ത് സിറ്റി: കുവൈത്തിൽ പരിസ്ഥിതി നിയമം കര്ശനമാക്കാന് ഒരുങ്ങി പരിസ്ഥിതി പബ്ലിക് അതോറിറ്റി. മൃഗങ്ങളെയും പക്ഷികളെയും വേട്ടയാടിയാല് 250 ദിനാര് പിഴ ചുമത്തുമെന്ന് അധികൃതര് അറിയിച്ചു. സ്കൂളുകൾ, സർവകലാശാലകൾ തുടങ്ങിയ ഇടങ്ങളിൽ നിന്ന് പുകവലിച്ചാല് 50 ദീനാര് മുതല് 100 ദീനാര് വരെ പിഴ ഈടാക്കും.
ശീതകാല ക്യാമ്പുകളുടെ പരിസര പ്രദേശങ്ങളില് നിന്ന് സസ്യങ്ങളോ മരങ്ങളോ പിഴു തെറിഞ്ഞാലും പിഴ ചുമത്തും. ക്യാമ്പ് ഏരിയകളില് മാലിന്യം കത്തിക്കാനോ മണ്ണു കുഴിക്കാനോ സിമന്റ് ഉപയോഗിച്ചുള്ള നിർമാണ പ്രവര്ത്തനങ്ങൾക്കോ അനുമതിയില്ല. നടപടികൾ കർശനമാക്കുന്നത് നിയമത്തെ ബഹുമാനിക്കാനും നിയമലംഘനങ്ങൾ തടയാനും സഹായകമാകുമെന്നാണ് അധികൃതരുടെ പ്രതീക്ഷ. പരിസ്ഥിതി സംരക്ഷണ നിയമങ്ങൾ എല്ലാവരും പാലിക്കണമെന്നും നിയമ ലംഘനം കണ്ടെത്തിയാല് ബന്ധപ്പെട്ടവരെ ഉടന് അറിയിക്കണമെന്നും അധികൃതർ അറിയിച്ചു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F