April 24, 2024
April 24, 2024
കോഴിക്കോട്: കേരളത്തില് ലോക്സഭാ തെരഞ്ഞെടുപ്പ് പ്രചരണം അവസാനിക്കുന്നു. മലപ്പുറത്ത് കൊട്ടിക്കലാശത്തിനിടെ എല്ഡിഎഫ്-യുഡിഎഫ് പ്രവര്ത്തകര് തമ്മില് സംഘര്ഷമുണ്ടായി. പൊലീസ് ഇടപെട്ടാണ് സ്ഥിതിഗതികള് നിയന്ത്രണവിധേയമാക്കിയത്. ചെങ്ങന്നൂരിലും പൊലീസും കോൺഗ്രസ് പ്രവർത്തകരും തമ്മിൽ ഉന്തും തള്ളുമുണ്ടായി. എം സി റോഡിൽ നിന്ന് കൊട്ടികലാശം ആഘോഷിച്ച പ്രവർത്തകാരെ റോഡിൽ നിന്ന് മാറ്റാൻ ശ്രമിച്ചതാണ് കാരണം.
നെയ്യാറ്റിൻകരയിൽ എല്ഡിഎഫ്- ബിജെപി പ്രവര്ത്തകര് തമ്മിലാണ് സംഘര്ഷം. എല്ഡിഎഫ് -യുഡിഎഫ് പ്രവര്ത്തകര് തമ്മിലും വാക്കേറ്റമുണ്ടായി. തൊടുപുഴയിൽ പ്രവര്ത്തകര് തമ്മില് ഉന്തും തള്ളുമുണ്ടായി. കൊട്ടിക്കലാശത്തിനിടെ എല്ഡിഎഫ്-യുഡിഎഫ് പ്രവര്ത്തകര് തമ്മിലാണ് കയ്യാങ്കളിയുണ്ടായത്. പൊലീസ് ഇടപെട്ട് പ്രശ്നം പരിഹരിച്ചു.
തെരഞ്ഞെടുപ്പിന്റെ പശ്ചാത്തലത്തില് തൃശൂര്, കാസര്കോട് ജില്ലയില് നിരോധനാജ്ഞ പ്രഖ്യാപിച്ചു. പരസ്യ പ്രചാരണം അവസാനിക്കുന്ന ഇന്ന് (ബുധൻ) വൈകീട്ട് 6 മണി മുതല് ഏപ്രില് 27ന് വൈകീട്ട് 6 മണി വരെയാണ് കാസര്കോട് നിരോധനാജ്ഞ പ്രഖ്യാപിച്ചിരിക്കുന്നത്. ജില്ലാ കളക്ടര് കെ. ഇമ്പശേഖറാണ് നിരോധനാജ്ഞ പ്രഖ്യാപിച്ചത്. ജില്ലയിലുടനീളം യാതൊരു വിധത്തിലുള്ള പൊതുയോഗങ്ങളും പാടില്ലെന്ന് കളക്ടര് അറിയിച്ചു. ജില്ലയില് അഞ്ചില് അധികം ആളുകള് കൂട്ടം കൂടുന്നതിനും വിലക്കേര്പ്പെടുത്തിയിട്ടുണ്ട്. അതേസമയം സ്ഥാനാര്ത്ഥികളുടെ നിശബ്ദ പ്രചരണത്തിന് തടസമില്ല. സംഘര്ഷ സാധ്യത കണക്കിലെടുത്താണ് ജില്ലയില് നിരോധനാജ്ഞ പ്രഖ്യാപിച്ചത്. നിര്ദേശങ്ങള് ലംഘിക്കുന്നവര്ക്കെതിരെ കര്ശന നടപടിയുണ്ടാവുമെന്നും ജില്ലാ കളക്ടര് അറിയിച്ചു.
ഏപ്രില് 24 വൈകീട്ട് ആറ് മുതല് 27ന് രാവിലെ ആറ് വരെയാണ് തൃശൂരിലെ നിരോധനാജ്ഞ. വോട്ടെടുപ്പിന് ശേഷം ഏപ്രില് 27ന് രാവിലെ ആറ് വരെ തൃശൂര് ജില്ലയില് നിരോധനാജ്ഞ നിലവിലുണ്ടാകും. ജില്ലാ തെരഞ്ഞെടുപ്പ് ഉദ്യോഗസ്ഥനും ജില്ലാ കലക്ടറുമായ വി.ആര്. കൃഷ്ണതേജയാണ് നിരോധനാജ്ഞ പ്രഖ്യാപിച്ചത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/Iq3CVicSDrS1LvIBvvkToc
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F