October 15, 2023
October 15, 2023
കുവൈത്ത് സിറ്റി: കുവൈത്തിൽ നേരിയ ഭൂചലനം അനുഭവപ്പെട്ടതായി റിപ്പോർട്ട്. കുവൈത്തിൽ നിന്ന് 244 കിലോമീറ്റർ അകലെ പടിഞ്ഞാറൻ ഇറാനിൽ റിക്ടർ സ്കെയിലിൽ 5.1 തീവ്രത രേഖപ്പെടുത്തിയ ഭൂചലനത്തിന്റെ പ്രകമ്പനമാണ് കുവൈത്തിൽ അനുഭവപ്പെട്ടത്. ഇന്ന് ഉച്ചക്ക് 2:15ന് പത്ത് കി.മി ആഴത്തിലാണ് ഇറാനിൽ ഭൂചലനം അനുഭവപ്പെട്ടത്.
കുവൈത്തിലും പ്രകമ്പനം അനുഭവപ്പെട്ടതായി കുവൈത്ത് ഇൻസ്റ്റിറ്റ്യൂട്ട് ഫോർ സയന്റിഫിക് റിസർച്ചിലെ നാഷണൽ സീസ്മിക് നെറ്റ്വർക്ക് ഡയറക്ടർ ഡോ. അബ്ദുല്ല അൽ-എനിസിയാണ് അറിയിച്ചത്.
അതേസമയം, കഴിഞ്ഞ ദിവസം ദുബായിലും ഒമാനിലും നേരിയ ഭൂചലനം അനുഭവപ്പെട്ടിരുന്നു. റിക്ടര് സ്കെയിലില് 1.6 തീവ്രതയാണ് ദുബായിൽ രേഖപ്പെടുത്തിയത്. ഒമാനിൽ 3.3 തീവ്രതയാണ് രേഖപ്പെടുത്തിയത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU