January 21, 2024
January 21, 2024
കുവൈത്ത് സിറ്റി: കുവൈത്ത് മുനിസിപ്പാലിറ്റി നിയമലംഘനങ്ങള്‍ കണ്ടെത്തുന്നതിനായി ഡിജിറ്റല്‍ പ്ലാറ്റ്‌ഫോം പുറത്തിറക്കുന്നു. ഇലക്ട്രോണിക് നിയമലംഘന പ്ലാറ്റ്‌ഫോമിന്റെ പ്രാരംഭ നടപടികള്‍ ഈ മാസം ആരംഭിക്കുമെന്ന് കുവൈത്ത് മുനിസിപ്പാലിറ്റി ഡയറക്ടര്‍ ജനറല്‍ എഞ്ചിനീയര്‍ സൗദ് അല്‍ ദബ്ബൂസ് അറിയിച്ചു. ക്യത്രിമം കാണിക്കല്‍, പരിഷ്‌കരണം റദ്ദാക്കല്‍, നിയമലംഘനങ്ങള്‍ മറയ്ക്കല്‍ എന്നിവയുടെ സാധ്യതകളെ ഇല്ലാതാക്കി നിയമലംഘനങ്ങള്‍ തടയുന്നതിനുള്ള നിര്‍ണായക ചുവടുവെയ്പ്പാണിതെന്നും അദ്ദേഹം അല്‍-റയ അറബിക് ദിനപത്രത്തോട് പറഞ്ഞു.
ആദ്യഘട്ടത്തില്‍, ഉപേക്ഷിക്കപ്പെട്ട കാറുകള്‍, ശുചിത്വം, സര്‍ക്കാര്‍ വസ്തുക്കളുടെ കയ്യേറ്റം, കെട്ടിട നിയമലംഘനങ്ങള്‍, അനധികൃത ആഘോഷങ്ങള്‍, വിവാഹവുമായി ബന്ധപ്പെട്ട നിയമലംഘനങ്ങള്‍ എന്നിവ ഡിജിറ്റല്‍ പ്ലാറ്റ്‌ഫോമിലൂടെ പരിഹരിക്കും. ആഭ്യന്തര മന്ത്രാലയവുമായി സഹകരിച്ചാണ് പ്ലാറ്റ്‌ഫോമിന്റെ പ്രവര്‍ത്തനമെന്നും അല്‍ ദബ്ബൂസ് വ്യക്തമാക്കി.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
