December 04, 2023
December 04, 2023
ചെന്നൈ: മെഷോങ് ചുഴലിക്കാറ്റിന്റെ ഭാഗമായുള്ള കനത്ത മഴയെ തുടര്ന്ന് ചെന്നൈ വിമാനത്താവളം അടച്ചു. നാളെ (ചൊവ്വാഴ്ച) രാവിലെ ഒമ്പത് മണി വരെയാണ് വിമാനത്താവളം അടച്ചത്. വിമാനത്താവളത്തിന്റെ റണ്വേയില് വെള്ളക്കെട്ട് രൂപപ്പെട്ടതിനെ തുടര്ന്നാണ് നടപടി. കനത്ത മഴയില് 20 വിമാന സര്വീസുകള് ഇതിനോടകം റദ്ദാക്കി. എട്ട് സര്വീസുകള് ബാംഗ്ലൂരിലേക്ക് വഴി തിരിച്ചുവിട്ടു. 26 വിമാനങ്ങള് വൈകി. വന്ദേഭാരത് അടക്കം ചെന്നൈയിലേക്കുള്ള ആറ് ട്രെയിനുകളും റദ്ദാക്കി.
ചുഴലിക്കാറ്റിന്റെ ഭാഗമായുള്ള കനത്ത മഴയില് ചെന്നൈയില് രണ്ട് മരണവും റിപ്പോര്ട്ട് ചെയ്തു. ഇസിആര് റോഡില് ചുറ്റുമതില് ഇടിഞ്ഞാണ് മരണം സംഭവിച്ചത്. ചുഴലിക്കാറ്റിന്റെ പശ്ചാത്തലത്തില് അതീവ ജാഗ്രതയിലാണ് സംസ്ഥാനം. മിക്കയിടത്തും വൈദ്യുതി ബന്ധം നിലച്ചു. മത്സ്യബന്ധനം പൂര്ണമായും വിലക്കിയിട്ടുണ്ട്. അത്യാവശ്യങ്ങള്ക്ക് മാത്രമേ പുറത്തിറങ്ങാവൂ എന്നാണ് മുന്നറിയിപ്പ്. ചെന്നൈ, തിരുവള്ളൂര്, ചെങ്കല്പ്പെട്ട്, കാഞ്ചീപുരം, റാണിപ്പെട്ട്, വിഴുപ്പുറം ജില്ലകളില് പൊതു അവധിയും പ്രഖ്യാപിച്ചിട്ടുണ്ട്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F