February 22, 2024
February 22, 2024
കുവൈത്തില് സ്വദേശികള്ക്കും പ്രവാസികള്ക്കും ബയോമെട്രിക് സംവിധാനം ഏര്പ്പെടുത്തുന്നതില് മൂന്ന് മാസത്തെ സമയപരിധി അനുവദിച്ചു. സമയപരിധിക്കുള്ളില് ബയോമെട്രിക് പാലിക്കാത്തവരുടെ ഇടപാടുകള് താല്ക്കാലികമായി നിര്ത്തിവെയ്ക്കുമെന്ന് അതോറിറ്റി അറിയിച്ചു.
ആഭ്യന്തര മന്ത്രാലയത്തിന്റെ നേതൃത്വത്തില് രാജ്യത്തെ വിവിധ അതിര്ത്തി ക്രോസിംഗുകളിലും അന്താരാഷ്ട്ര വിമാനത്താവളത്തിലും നിയുക്ത കേന്ദ്രങ്ങളിലും പൗരന്മാര്ക്കും പ്രവാസികള്ക്കുമായി ബയോമെട്രിക് വിരലടയാളം നടത്തുന്നതായി ജനറല് അഡ്മിനിസ്ട്രേഷന് ഓഫ് സെക്യൂരിറ്റി റിലേഷന്സി ആന്റ് മീഡിയ അറിയിച്ചു.
പൗരന്മാർക്കും ജിസിസി പൗരന്മാർക്കും ഹവല്ലി, ഫർവാനിയ, അൽ-അഹമ്മദി, മുബാറക് അൽ-കബീർ, അൽ-ജഹ്റ എന്നീ സെക്യൂരിറ്റി ഡയറക്ടറേറ്റുകളിലും നിര്ദ്ദിഷ്ട കേന്ദ്രങ്ങളിലും വാണിജ്യ സമുച്ചയങ്ങളിലും എത്തി വിരലടയാളം രജിസ്റ്റര് ചെയ്യാം. കൂടാതെ, പ്രവാസികൾക്ക് അലി സബാഹ് അൽ-സലേം, ജഹ്റ മേഖലകളിലെ വ്യക്തിഗത ഐഡൻ്റിഫിക്കേഷൻ ഡിപ്പാർട്ട്മെൻ്റിലും, വിവിധ മാളുകളിലും മന്ത്രാലയ കോംപ്ലക്സുകളിലും വിരലടയാളം രജിസ്റ്റർ ചെയ്യാനുള്ള സേവനങ്ങൾ ലഭ്യമാണ്. അതേസമയം, രാജ്യത്ത് നിന്ന് പുറത്തേക്ക് പോകുന്ന യാത്രക്കാര്ക്ക് വിരലടയാളം നിര്ബന്ധമല്ല.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F