November 19, 2023
November 19, 2023
കുവൈത്ത് സിറ്റി: കുവൈത്തിൽ നിന്ന് നവംബർ, ഡിസംബർ മാസങ്ങളിൽ കോഴിക്കോട്, കണ്ണൂർ എന്നിവിടങ്ങളിലേക്കുള്ള ടിക്കറ്റ് നിരക്ക് എയർഇന്ത്യ എക്സ്പ്രസ് കുത്തനെ കുറച്ചു. കോഴിക്കോട്ടേക്ക് ഈ മാസം അവസാനം 32 ദീനാറിന് ടിക്കറ്റ് ലഭ്യമാണ്. നവംബർ 30 മുതൽ ഡിസംബർ 15 വരെ 48 ദീനാറാണ് നിലവിൽ വെബ്സൈറ്റിൽ കാണിക്കുന്ന നിരക്ക്. ഡിസംബർ 16 മുതൽ 40 ദീനാറിന് കുവൈത്തിൽ നിന്ന് കോഴിക്കോട്ടേക്കുള്ള ടിക്കറ്റ് ലഭ്യമാണ്. ജനുവരിയിലെ ആദ്യ രണ്ടാഴ്ച നിരക്ക് 68 ദീനാറിലേക്ക് ഉയരും. ജനുവരി പകുതിയോടെ 60 ദീനാറാണ് നിരക്ക്.
കുവൈത്തിൽ നിന്ന് കണ്ണൂരിലേക്ക് നവംബർ 20, 23, 27 തീയതികളിൽ 36 ദീനാർ മുതൽ ലഭ്യമാണ്. ഡിസംബറിൽ ടിക്കറ്റ് നിരക്കിൽ ഉയർച്ചയുണ്ട്. ഡിസംബറിലെ ആദ്യ ആഴ്ച 54 ദീനാറും തുടർന്നുള്ള ദിവസങ്ങളിൽ 60 ദീനാറിന് മുകളിലും എത്തും. ഡിസംബർ 14ന് 86 ദീനാറും, 21ന് 68 ദീനാറുമാണ് നിലവിലുള്ള നിരക്ക്. ജനുവരിയിലെ ആദ്യ ആഴ്ചകളിൽ 68 ദീനാറാണ് നിരക്ക്.
കുവൈത്തിൽ നിന്ന് ഈ മാസം 53 ദീനാറാണ് ഉയർന്ന നിരക്ക്. ഡിസംബർ 30ന് 71 ദീനാറും 31ന് 91 ദീനാറും ആയി ഉയരും. ജനുവരി ആദ്യ വാരം 91 ദീനാറും തുടർന്ന് 71 ദീനാറുമാണ്. കണ്ണൂരിൽ നിന്ന് കുവൈത്തിലേക്ക് നവംബർ 31 മുതൽ നിരക്ക് ഉയരും. ഡിസംബർ ആദ്യ ദിവസങ്ങളിൽ 63 ദീനാറും 28ന് 82 ദീനാറുമാണ് നിലവിൽ കാണിക്കുന്ന നിരക്ക്. ജനുവരി ഒന്നിന് 98 ദീനാർ, നാലിന് 110 ദീനാർ എന്നിങ്ങനെ ഉയർന്ന നിരക്കാണ്.
കുവൈത്തിൽ നിന്ന് കോഴിക്കോട്ടേക്ക് ചൊവ്വ, ബുധൻ, വെള്ളി ദിവസങ്ങളിൽ ഒഴികെ നിലവിൽ ആഴ്ചയിൽ എയർഇന്ത്യ എക്സ്പ്രസിന്റെ നാലു സർവിസുകളാണുള്ളത്. ഡിസംബർ മുതൽ ചൊവ്വ, വെള്ളി ഒഴികെയുള്ള ദിവസങ്ങളിൽ സർവിസുണ്ടാകും. കുവൈത്തിൽ നിന്ന് കണ്ണൂരിലേക്ക് തിങ്കൾ, വ്യാഴം ദിവസങ്ങളിൽ ആഴ്ചയിൽ രണ്ടു സർവിസുകളാണുള്ളത്.
അതേസമയം, ഓവർവെയ്റ്റ് ചെക്ക്ഇൻ ബാഗേജ് നാട്ടിലേക്ക് കൊണ്ടുപോകുന്നതിനുള്ള കുറഞ്ഞ നിരക്ക് ഡിസംബർ 10 വരെയാണ്. ഈ കാലയളവിൽ 10 കിലോ അധിക ബാഗേജിന് ഒരു ദീനാർ മാത്രമാണ് ഈടാക്കുക. 15 കിലോ അധിക ബാഗേജിന് 10 ദീനാറാണ് ഈടാക്കുക. ഡിസംബർ 11 വരെ യാത്ര ചെയ്യുന്നവർക്കും ടിക്കറ്റ് എടുക്കുന്നവർക്കും മാത്രമാണ് ഈ ഓഫർ. കുവൈത്തിൽ നിന്നുള്ള യാത്രക്ക് മാത്രമാണ് ഈ കുറവ്. കുവൈത്തിൽ നിന്ന് നാട്ടിലേക്ക് നിലവിൽ 30 കിലോ ചെക്ക്ഇൻ ബാഗേജും ഏഴ് കിലോ കാബിൻ ബാഗേജും സൗജന്യമാണ്. നാട്ടിൽ നിന്ന് 20 കിലോ ചെക്ക്ഇൻ ബാഗേജും ഏഴ് കിലോ കാബിൻ ബാഗേജും സൗജന്യമായി കൊണ്ടുവരാം.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F