January 10, 2024
January 10, 2024
കുവൈത്ത് സിറ്റി: കുവൈത്തില്‍ നിയമലംഘനങ്ങള്‍ കണ്ടെത്തിയതിനെ തുടര്‍ന്ന് ഗാര്‍ഹിക തൊഴിലാളികളെ റിക്രൂട്ട് ചെയ്യുന്ന 13 സ്ഥാപനങ്ങള്‍ സസ്‌പെന്‍ഡ് ചെയ്തു. ആറ് മാസത്തേക്കാണ് ഓഫീസുകള്‍ സസ്‌പെന്‍ഡ് ചെയ്തത്. ഗാര്‍ഹിക തൊഴിലാളികളുടെ റിക്രൂട്ട്‌മെന്റിന് ഫീസ് പരിധി നിശ്ചയിച്ചതിന് പിന്നാലെ നടത്തിയ പരിശോധനയിലാണ് നടപടി. ആഭ്യന്തര- വാണിജ്യ മന്ത്രാലയങ്ങള്‍ സംയുക്തമായി നടത്തിയ പരിശോധനയില്‍ റിക്രൂട്ട്‌മെന്റുകള്‍ക്ക് സ്ഥാപനങ്ങള്‍ കെ-നെറ്റ് സംവിധാനങ്ങള്‍ ഉപയോഗിക്കുന്നില്ലെന്നും കണ്ടെത്തി.
റിക്രൂട്ട്‌മെന്റിന് കെ-നെറ്റ് സംവിധാനം ഉപയോഗിക്കാത്ത ആറ് ഓഫീസുകളുടെ പ്രവര്‍ത്തനങ്ങള്‍ നിര്‍ത്തിവെച്ചതായും തുടര്‍ നടപടികള്‍ക്കായി ബന്ധപ്പെട്ട അധികരികള്‍ക്ക് കൈമാറിയതായും അതോറിറ്റി അറിയിച്ചു. മന്ത്രാലയം പുറത്തിറക്കിയ ചട്ടങ്ങള്‍ പാലിക്കാത്ത ഒരു ഓഫീസ് അടച്ചുപൂട്ടുകയും ചെയ്തു. നിയമലംഘനങ്ങള്‍ കണ്ടെത്തുന്നതിനായി പരിശോധന കര്‍ശനമാക്കുമെന്നും അധികൃതര്‍ വ്യക്തമാക്കി.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
