August 07, 2023
August 07, 2023
അൻവർ പാലേരി
തെഹ്റാൻ :അമേരിക്കയുടെ രണ്ട് യുദ്ധക്കപ്പലുകളിലായി മൂവായിരത്തിലധികം അമേരിക്കൻ സൈനികർ ചെങ്കടലിൽ നിലയുറപ്പിച്ചതായി യു.എസ് നാവിക സേനയെ ഉദ്ധരിച്ച് അന്താരാഷ്ട്ര വാർത്താ ഏജൻസികൾ റിപ്പോർട്ട് ചെയ്തു. മേഖലയിലെ ചരക്കുനീക്കത്തിൽ നിർണായക പങ്കുവഹിക്കുന്ന ജലപാതകളിൽ എണ്ണ ടാങ്കറുകൾ ഇറാൻ പിടിച്ചെടുക്കുന്ന സംഭവങ്ങൾ വർധിച്ചതിന് പിന്നാലെയാണ് അമേരിക്ക ഇറാനെതിരെ ഇത്തരമൊരു നീക്കം നടത്തിയത്.
എണ്ണക്കപ്പലുകൾ ഇറാൻ പിടിച്ചെടുക്കുന്നതിൽ വാഷിംഗ്ടണിൽ നിന്നുള്ള ശക്തമായ പ്രതികരണത്തിന്റെ ഭാഗമായാണ് രണ്ട് യുദ്ധക്കപ്പലുകളിലായി സൈനികരെ ചെങ്കടലിൽ എത്തിച്ചതെന്നാണ് യുഎസ് നാവികസേനയുടെ വിശദീകരണം.കഴിഞ്ഞ രണ്ട് വർഷത്തിനിടെ ഈ മേഖലയിൽ അന്താരാഷ്ട്ര പതാകകൾ വഹിക്കുന്ന 20 കപ്പലുകൾ ഇറാൻ പിടിച്ചെടുക്കുകയോ തങ്ങളുടെ വരുതിയിലാക്കുകയോ ചെയ്തിട്ടുണ്ടെന്ന് യുഎസ് സൈന്യം പറയുന്നു.
യുഎസ് നാവികരടങ്ങിയ യുഎസ്എസ് ബറ്റാൻ, യുഎസ്എസ് കാർട്ടർ ഹാൾ എന്നീ യുദ്ധക്കപ്പലുകൾ സൂയസ് കനാൽ വഴി ഞായറാഴ്ച ചെങ്കടലിൽ പ്രവേശിച്ചതായി യുഎസ് നാവികസേനയുടെ 'ഫിഫ്ത് ഫ്ളീറ്റ്' പ്രസ്താവനയിൽ വ്യക്തമാക്കി.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/DoTp5mITouhJcwHKcDKLsm