August 01, 2023
August 01, 2023
ന്യൂസ്‌റൂം ബ്യൂറോ
കുവൈത്ത് സിറ്റി: യാത്രക്കിടയിൽ വാഹനത്തിലേക്ക് നെയിംബോര്‍ഡ് പൊട്ടിവീണ് കുവൈത്തിൽ മലയാളി മരിച്ചു. കണ്ണൂർ മുഴുപ്പിലങ്ങാട് സ്വദേശി ടി.സി. സാദത്താണ് (48) മരിച്ചത്. തിങ്കളാഴ്ച രാവിലെ 10 മണിയോടെയാണ് സംഭവം. കൈറോ 35ാം നമ്പർ റോഡിലൂടെ മിനി ലോറി ഓടിച്ചു പോകുമ്പോൾ അപ്രതീക്ഷിതമായി വണ്ടിയിലേക്ക് നെയിംബോര്‍ഡ് പൊട്ടി വീഴുകയായിരുന്നു. 20 വർഷത്തോളം കുവൈത്തിൽ ജോലി ചെയ്‌ത സാദത്ത് എൽ.എസ് കേബിൾ കമ്പനിയിൽ ഡ്രൈവറായി ജോലി ചെയ്യുകയായിരുന്നു.
തിങ്കളാഴ്ച ജോലിക്കിടെ, യാത്രക്കിടയിലാണ് അപകടം നടന്നത്. ലോറിയുടെ മുൻ ഭാഗത്ത് നെയിംബോര്‍ഡ് വീണതോടെ ഗ്ലാസും മുകൾഭാഗവും തകരുകയായിരുന്നു. അപകടസ്ഥലത്തുതന്നെയാണ് മരണം സംഭവിച്ചത്. കെ.കെ.എം.എ ജലീബ് ബ്രാഞ്ച് എക്സിക്യൂട്ടിവ് മെംബറായ ടി.സി. സാദത്ത് സാമൂഹിക പ്രവർത്തന രംഗത്ത് സജീവമായിരുന്നു. ഭാര്യ: ജസീല, മക്കൾ: സാമിൽ, മുഹമ്മദ്.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/IkqmkUPd0fhGs9abNGXONm
