March 16, 2023
March 16, 2023
ന്യൂസ്റൂം ബ്യൂറോ
കുവൈത്ത് സിറ്റി: സ്വദേശി അധ്യാപകരെ നിയമിക്കുന്നതിന്റെ ഭാഗമായി ആയിരത്തിലധികം പ്രവാസി അധ്യാപകരെ പിരിച്ചുവിടുമെന്ന് സൂചന. വിദ്യാഭ്യാസ സ്ഥാപനങ്ങള്‍ ഇതുമായി ബന്ധപ്പെട്ട അവലോകനം നടത്തിവരുകയാണെന്ന് കുവൈത്ത് ടൈംസ് റിപ്പോര്‍ട്ട് ചെയ്തു. ആവശ്യമായ അധ്യാപകരുടെ എണ്ണം, നിലനിര്‍ത്തേണ്ടവരുടെ എണ്ണം, പിരിച്ചുവിടേണ്ടവരുടെ എണ്ണം എന്നിവ സംബന്ധിച്ച് മേയ് അവസാനത്തോടെ വ്യക്തത വരും.
കുവൈത്ത് യൂണിവേഴ്‌സിറ്റി, പബ്ലിക് അതോറിറ്റി ഫോര്‍ അപ്ലൈഡ് എജുക്കേഷന്‍ ആന്‍ഡ് ട്രെയിനിങ് എന്നിവിടങ്ങളില്‍ നിന്നുള്ള യോഗ്യരായ സ്വദേശി ഉദ്യോഗാര്‍ത്ഥികളെ അധ്യാപകരായി നിയമിക്കാനാവുമെന്നാണ് വിദ്യാഭ്യാസ മന്ത്രാലയം പ്രതീക്ഷിക്കുന്നത്. രാജ്യത്തെ അധ്യാപക ജോലിയില്‍ സമ്പൂര്‍ണ സ്വദേശിവത്കരണം നടപ്പിലാക്കാന്‍ നേരത്തെ നീക്കം നടന്നിരുന്നു. എന്നാല്‍ യോഗ്യരായ സ്വദേശി ഉദ്യോഗാര്‍ത്ഥികളുടെ അഭാവമാണ് ഇതിന് തടസ്സമായത്.
ന്യൂസ്റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക https://chat.whatsapp.com/BA70KEJMeBmGW92ahNcBva
