June 19, 2023
June 19, 2023
ന്യൂസ്റൂം ബ്യുറോ
കുവൈത്ത് സിറ്റി: പ്രവാചകനെതിരെ അധിക്ഷേപ പരാമര്ശം നടത്തിയയാളെ പോലീസ് അറസ്റ്റ് ചെയ്തു.. ക്ലബ് ഹൗസ് വഴി പ്രവാചകന്റെ വിവാഹത്തെക്കുറിച്ച് മോശമായി സംസാരിച്ചതിനെ തുടര്ന്നാണ് ഇയാളെ പിടികൂടിയതെന്ന് ആഭ്യന്തര മന്ത്രാലയം അറിയിച്ചു.
ക്രിമിനല് സെക്യൂരിറ്റി വിഭാഗമാണ് പ്രതിയെ അറസ്റ്റുചെയ്തത്. സംഭവത്തില് വിശദമായ അന്വേഷണം നടത്തും. സമൂഹമാധ്യമങ്ങളില് വിദ്വേഷ പ്രചാരണം നടത്തുന്നവര്ക്കെതിരെ കര്ശന നടപടി സ്വീകരിക്കുമെന്ന് അധികൃതര് മുന്നറിയിപ്പ് നല്കി. പ്രതിയെ തുടര്നടപടികള്ക്കായി ബന്ധപ്പെട്ട അധികാരികള്ക്ക് കൈമാറി.
വിദ്വേഷ പ്രചാരണം, പ്രവാചകനിന്ദ എന്നിവക്കെതിരെ ശക്തമായ നിലപാടുള്ള രാജ്യമാണ് കുവൈത്ത്. കഴിഞ്ഞ വര്ഷം ഇന്ത്യയില് ബി.ജെ.പി വക്താവ് നടത്തിയ പ്രവാചക നിന്ദയില് കുവൈത്ത് വിദേശകാര്യ മന്ത്രാലയം ഇന്ത്യൻ അംബാസഡറെ വിളിച്ചുവരുത്തി പ്രതിഷേധം അറിയിച്ചിരുന്നു.
ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/HHOGGyLPTMH45QRaxZQRyz