December 28, 2022
December 28, 2022
ന്യൂസ്റൂം ബ്യുറോ
കുവൈത്ത് സിറ്റി: കുവൈത്തിന്റെ വിവിധ ഭാഗങ്ങളില് കനത്ത മഴയ്ക്കൊപ്പമെത്തിയ മഞ്ഞുവീഴ്ചയും ആലിപ്പഴ വർഷവും പ്രവാസികൾ ഉൾപ്പെടെയുള്ള നാട്ടുകാർക്ക് വേറിട്ട അനുഭവമായി.പല പ്രദേശങ്ങളിലും റോഡുകളിലും വെള്ളക്കെട്ട് രൂപപ്പെട്ടിരിക്കുകയാണ്.
രാജ്യത്തെ പ്രധാന റോഡുകള് പലതും അടച്ചതായി അധികൃതര് വ്യക്തമാക്കി. മഴയ്ക്ക് പുറമെ വിവിധ മേഖലകളില് ആലിപ്പഴ വീഴ്ച്ചയും ശക്തമായിരുന്നു. മിനാ അബ്ദുള്ള, ഉമ്മുല് ഹൈമാന്, സബാഹ് അല് അഹമ്മദ് മുതലായ സ്ഥലങ്ങളിലുണ്ടായ ആലിപ്പഴ വീഴ്ച്ചയുടെ ദൃശ്യങ്ങള് സാമൂഹ്യ മാദ്ധ്യമങ്ങളില് പ്രചരിച്ചിരുന്നു.
കനത്ത മഴ അനുഭവപ്പെടുന്ന സാഹചര്യത്തില് പൊതുജനങ്ങള് ജാഗ്രത പാലിക്കണമെന്ന് അധികൃതര് വ്യക്തമാക്കി. വാഹനമോടിക്കുമ്ബോള് ഡ്രൈവര്മാര് അതീവ ജാഗ്രത പാലിക്കണമെന്നും നിര്ദ്ദേശമുണ്ട്. ഡ്രൈവര്മാര് വാഹനമോടിക്കുമ്ബോള് ഇന്ഫര്മേഷന് ബോര്ഡുകളില് പ്രദര്ശിപ്പിച്ചിരിക്കുന്ന വേഗപരിധി പാലിക്കണമെന്നും അധികൃതര് ആവശ്യപ്പെട്ടു. വരും ദിവസങ്ങളിലും മഴയ്ക്ക് സാധ്യതയുണ്ടെന്നാണ് കാലാവസ്ഥാ വിദഗ്ധര് വ്യക്തമാക്കുന്നത്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/B5cRGSkveuO5fUeQTErqlq എന്ന ലിങ്കിൽ ജോയിൻ ചെയ്യുക.