September 07, 2021
September 07, 2021
കുവൈത്ത് സിറ്റി : ഇന്ത്യയില് നിന്ന് കുവൈത്തിലേക്കും തിരിച്ചും നേരിട്ടുള്ള വിമാന സര്വീസുകള് പുനരാരംഭിച്ചു.. വിമാന സർവീസുകൾ പുനരാരംഭിക്കാനുള്ള തീരുമാനം കഴിഞ്ഞ മാസം ആദ്യം പ്രഖ്യാപിച്ചെങ്കിലും സമയ പരിധി തീരുമാനിച്ചിരുന്നില്ല.ചൊവ്വ,വ്യാഴം ദിവസങ്ങളിൽ കൊച്ചിയിൽ നിന്നും ബുധൻ,വെള്ളി,തിങ്കൾ ദിവസങ്ങളിൽ കോഴിക്കോട്ടു നിന്നും സർവീസുകൾ ഉണ്ട്.
കോവിഡ് -19 ന്റെ രണ്ടാം തരംഗ വ്യാപനത്തിന് ശേഷം ഇന്ത്യയിലേക്കും മറ്റ് പല രാജ്യങ്ങളിലേക്കുമുള്ള വിമാനങ്ങള് കുവൈറ്റ് നിര്ത്തിവച്ചിരുന്നു. ഞായറാഴ്ച ഈജിപ്തുമായി നേരിട്ടുള്ള വിമാന സര്വീസ് കുവൈത്ത് പുനരാരംഭിച്ചിരുന്നു.
2021-2022 സീസണില് കായിക പ്രേമികളെയും സ്റ്റേഡിയങ്ങളിലേക്ക് പ്രവേശിക്കാന് അനുവദിക്കുമെന്നും കുവൈറ്റ് മന്ത്രിസഭ പ്രഖ്യാപിച്ചു. അതേസമയം വാക്സിനേഷന് ചെയ്ത ആരാധകരെ മാത്രമേ സ്റ്റേഡിയങ്ങളില് പ്രവേശിക്കാന് അനുവദിക്കൂ എന്ന് സെന്റര് ഫോര് ഗവണ്മെന്റ് കമ്മ്യൂണിക്കേഷന് ട്വിറ്ററില് അറിയിച്ചു.