July 28, 2021
July 28, 2021
കുവൈത്ത് സിറ്റി: വാക്സിനേഷന് സര്ട്ടിഫിക്കറ്റ് വ്യാജമായി നിര്മിച്ച് നല്കുന്ന പ്രവാസി നഴ്സുമാരുടെ സംഘത്തെ പിടികൂടി. ജഹ്റ ആശുപത്രിയില് ജോലി ചെയ്തിരുന്ന നഴ്സുമാരാണ് പിടിയിലായത്. ജനറല് അഡ്മിനിസ്ട്രേഷന് ഓഫ് റെസിഡന്സ് അഫയേഴ്സ് ഇന്വെസ്റ്റിഗേഷനാണ് പിടികൂടിയത്. പിടിയിലായ മൂന്ന് പേരില് ഒരാള് ഇന്ത്യന് പ്രവാസിയും മറ്റു രണ്ട് പേര് ഈജിപ്ത്യന് സ്വദേശികളുമാണ്.വാക്സിന് എടുക്കാത്തവര്ക്ക് വാക്സിനേഷന് സര്ട്ടിഫികറ്റ് നല്കിയെന്ന് കണ്ടെത്തിയതിനെ തുടര്ന്നാണ് നടപടി. ചോദ്യം ചെയ്യലില് ഇവര് കുറ്റം സമ്മതിച്ചു. ഇവരില് നിന്ന് വ്യാജ സര്ട്ടിഫിക്കറ്റ് സംഘടിപ്പിച്ച മറ്റുള്ളവരെ കണ്ടെത്താനുള്ള അന്വേഷണം നടക്കുകയാണ്. 250 മുതല് 300 ദിനാര് വരെ ഓരോരുത്തരില് നിന്നു ഇവര് വ്യാജ സെര്ടിഫികറ്റിനായി ഈടാക്കുകയും ചെയ്തു. അറസ്റ്റിലായ നഴ്സുമാരെ തുടര് നടപടികള്ക്കായി പബ്ലിക് പ്രോസിക്യൂഷന് കൈമാറി.