August 07, 2020
August 07, 2020
റിയാദ് : മക്ക-മദീന നഗരങ്ങളെ ബന്ധിപ്പിക്കുന്ന അതിവേഗ റെയില്വേ പാതയായ അല്ഹറമൈന് റെയിൽവേ പാതയിലെ സുലൈമാനിയ സ്റ്റേഷൻ ഓഫീസിൽ വീണ്ടും തീപിടുത്തമുണ്ടായി.റെയിൽവേ സ്റ്റേഷനോട് ചേർന്നു പ്രവർത്തിക്കുന്ന കോൺട്രാക്റ്റിങ് കമ്പനിയുടെ താത്കാലിക പോർട്ടാ കാബിനുകളിലാണ് തീപിടുത്തമുണ്ടായത്. അപകടസമയത്ത് ഓഫീസിൽ ആളുണ്ടായിരുന്നില്ല.അതേസമയം ഇന്നലെ രാത്രിയിലുണ്ടായ തീപിടുത്തത്തിൽ കനത്ത നാശനഷ്ടങ്ങൾ ഉണ്ടായിട്ടുണ്ട്.
സംഭവത്തില് ബന്ധപ്പെട്ട അധികൃതർ അന്വേഷണം തുടങ്ങിയിട്ടുണ്ട്. കഴിഞ്ഞ വര്ഷം സെപ്തംബറിലുണ്ടായ തീ പിടുത്തത്തില് റെയില്വേ സ്റ്റേഷന് കത്തിച്ചാമ്പലായിരുന്നു. അതോടെ അന്ന് സര്വീസുകള് മുടങ്ങിയെങ്കിലും അറ്റകുറ്റപ്പണികൾ പൂർത്തിയാക്കി മാസങ്ങള്ക്ക് ശേഷം പ്രവർത്തനം പുനസ്ഥാപിച്ചിരുന്നു.
തീ നിയന്ത്രണ വിധേയമായതായി സിവില് ഡിഫന്സ് വിഭാഗം അറിയിച്ചു.
ന്യൂസ്റൂം വാർത്തകൾക്കുള്ള ഗ്രൂപ്പുകളിൽ ചേരാൻ +974 66200167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.