July 10, 2023
July 10, 2023
അൻവർ പാലേരി
സലാല / നാദാപുരം : മത,സാമൂഹിക,ജീവകാരുണ്യ മേഖലകളിലെ സജീവ സാന്നിധ്യവും പ്രവാസി വ്യവസായിയുമായ കോഴിക്കോട് നാദാപുരം സ്വദേശി ഒൻപത് കണ്ടത്തിൽ എടക്കലപ്പുറത്ത് അബൂബക്കർ ഹാജി (63) നിര്യാതനായി.
അർബുദ ബാധിതനായി ചികിത്സയിൽ ആയിരുന്നു. പരേതനായ എടക്കലപ്പുറത്ത് മമ്മു ഹാജി യുടെയും പരേതയായ കുറ്റിയിൽ ബിയ്യാത്തു ഹജജുമ്മയുടെയും (കുന്നുമ്മൽ ) മകനാണ്.
ദീർഘകാലം സലാലയിൽ പ്രവാസിയായിരുന്ന അബൂബക്കർ ഹാജി കഴിഞ്ഞ കുറേകാലമായി നാട്ടിൽ സ്ഥിരതാമസമാക്കിയിരുന്നു.സലാലയിൽ നിരവധി ബിസിനസ് സംരംഭങ്ങളുണ്ട്.ഒമാനിലും നാട്ടിലും വിദ്യാഭ്യാസ-ജീവകാരുണ്യ മേഖലയിൽ സജീവമായിരുന്നു.നാദാപുരത്തെയും പരിസര പ്രദേശങ്ങളിലെയും വിദ്യാഭ്യാസ രംഗത്ത് വലിയ മാറ്റങ്ങളുണ്ടാക്കിയ മുസ്ലിം എഡ്യൂക്കേഷണൽ ട്രസ്റ്റ്(എം.ഇ.ടി)യുടെ ചെയർമാനായിരുന്നു.നാദാപുരത്തും പരിസര പ്രദേശങ്ങളിലും ഭിന്നശേഷിക്കാരായ കുട്ടികളുടെ പുനരധിവാസത്തിനും നിർധനരായ രോഗികൾക്ക് ഡയാലിസിസ് യൂണിറ്റുകൾ സ്ഥാപിക്കുന്നതിനായി വിലപ്പെട്ട സംഭാവനകൾ നൽകിയിട്ടുണ്ട്.
ഭാര്യ: പുളിയാവിലെ പുതിയോട്ടിൽ കുഞ്ഞബ്ദുല്ല മുസ്ല്യാരുടെ മകൾ സൈന.മക്കൾ: സിറാജ് (സലാല), റഷീദ് (ബാംഗ്ലൂർ),അൻവർ (വിദ്യാർത്ഥി, ലണ്ടൻ), സമീറ, സാബിറ , സഫീറ , ആയിശ.
മരുമക്കൾ: മൊയ്തീൻ കുറ്റ്യാടി, ഷഹറാസ് നാദാപുരം, സയീദ് നാദാപുരം , അഷ്വാക്ക് പൂനൂർ , ഷക്കീല കുമ്മങ്കോട് , ഫിദ പാറാട്.
സഹോദരങ്ങൾ: ഖാസിം ഹാജി , അഷ്റഫ് ഹാജി (സലാല ), അനസ് ഹാജി (സലാല). സഫിയ , മൈമൂനത്ത് , മാമി, സുബൈദ.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/GjQM19221WxKnWo2cdbsZe