August 16, 2021
August 16, 2021
കുവൈത്ത് സിറ്റി : കുവൈത്തില് കൊറോണ ബാധിച്ച് മരിച്ച നിര്ദ്ധനരുടെ ആശ്രിതര്ക്കായി ഇന്ത്യന് എംബസി പ്രഖ്യാപിച്ച ധനസഹായം വിതരണം ആരംഭിച്ചതായി ഇന്ത്യന് സ്ഥാനപതി സിബിജോര്ജ്ജ്. ആദ്യ ഘട്ടത്തില് 65 പേര്ക്ക് ഒരു ലക്ഷം രൂപയുടെ ധനസഹായം വിതരണം ചെയ്തു കഴിഞ്ഞതായി സ്ഥാനപതി അറിയിച്ചു. ഇന്ത്യന് കമ്മ്യൂണിറ്റി സപ്പോര്ട്ട് ഗ്രൂപ്പുമായി സഹകരിച്ച് കൊറണയാല് മരണപ്പെട്ട നിര്ദ്ദനരുടെ കുടുംബത്തിന് ഒരു ലക്ഷം രൂപ ധനസഹായം എംബസി പ്രഖ്യാപിച്ചിരുന്നു. പ്രഖ്യാപനം നടന്ന മൂന്നാഴ്ചക്കുള്ളില്തന്നെ 65 പേര്ക്കുള്ള വിതരണം നടന്നുകഴിഞ്ഞതായാണ് അംബാസിഡര് അറിയിച്ചത്. സ്വാതന്ത്ര്യ ദിനാഘോഷത്തിന്റെ ഭാഗമായി എംബസിയില് മാധ്യമപ്രവര്ത്തകരോട് സംസാരിക്കുകയായിരുന്നു അദ്ദേഹം. 120 ദിനാറില് കുറഞ്ഞ ശമ്ബളമുള്ളവരുടെ ആശ്രിതര്ക്കാണു സഹായം നല്കുന്നത്.
എംബസിയിലെ മുതിര്ന്ന ഉദ്യോഗസ്ഥരുടെ നേതൃത്വത്തില് പ്രത്യേക സമിതി രൂപീകരിച്ചുകൊണ്ടാണ് ഇതിനായി ലഭിച്ച അപേക്ഷകളില് പരിശോധന നടന്നുവരുന്നത്. പ്രവാസികള്ക്കിടയില് ഏറെ പ്രശംസപിടിച്ചുപറ്റിയിരുന്ന തീരുമാനമായിരുന്നു മരണപ്പെട്ട ആശ്രിതര്ക്കായുള്ള ധനസഹായ പ്രഖ്യാപനം.