October 23, 2019
October 23, 2019
തിരുവനന്തപുരം: കേരള ലാപ്ടോപ്പിന് പിന്നാലെ സംസ്ഥാനത്ത് പഴങ്ങളില് നിന്നും ധാന്യങ്ങളില് നിന്നും മദ്യം ഉത്പാദിപ്പിക്കാന് അനുമതി നൽകാൻ മന്ത്രിസഭ തീരുമാനം. ചക്ക, കശുമാങ്ങ, വാഴപ്പഴം മുതലായവയില് നിന്നും കാര്ഷിക ഉത്പന്നങ്ങളില് നിന്നും വീര്യം കുറഞ്ഞ മദ്യം, വൈന് എന്നിവ ഉല്പാദിപ്പിക്കുന്നതിന് അനുമതി നല്കാനാണ് തീരുമാനം.
നിയമസഭാ സബ്ജക്ട് കമ്മിറ്റിയുടെ നിര്ദേശത്തിന്റെ അടിസ്ഥാനത്തില് കേരള കാര്ഷിക സര്വകലാശാലയാണ് ശുപാര്ശകള് സമര്പ്പിച്ചത്. സര്വ്വകലാശാലയുടെ റിപ്പോര്ട്ട് മന്ത്രിസഭ അംഗീകരിക്കുകയായിരുന്നു.
പഴവര്ഗ്ഗങ്ങള്, ധാന്യങ്ങള് എന്നിവയില് നിന്ന് വൈന് ഉല്പാദിപ്പിക്കുന്ന യൂണിറ്റുകള്ക്ക് അബ്കാരി നിയമങ്ങള്ക്ക് അനുസൃതമായി ലൈസന്സ് നല്കാനും തീരുമാനിച്ചു. ഇതിനു വേണ്ടി ബന്ധപ്പെട്ട ചട്ടങ്ങളില് ഭേദഗതി വരുത്താനും തീരുമാനമായി.