July 27, 2021
July 27, 2021
ദോഹ: ദോഹയില്‍ നിന്ന് വിവിധ ഇന്ത്യന്‍ നഗരങ്ങളിലേക്ക് കൂടുതല്‍ സര്‍വീസുകള്‍ പ്രഖ്യാപിച്ച് എയര്‍ ഇന്ത്യ. ഓഗസ്റ്റ് 1 മുതല്‍ ഒക്ടോബര്‍ 21 വരെയാണ് നിലവില്‍ സര്‍വീസുകള്‍ പ്രഖ്യാപിച്ചിട്ടുള്ളത്. കൊച്ചി, ഹൈദരാബാദ്, മുംബൈ എന്നിവിടങ്ങളിലേക്കും തിരിച്ചുമാണ് ദോഹയില്‍ നിന്നും സര്‍വീസ് ആരംഭിക്കുന്നത്. കൊച്ചി, ഹൈദരാബാദ് സര്‍വീസുകള്‍ എയര്‍ ഇന്ത്യ വെബ്സൈറ്റില്‍ ബുക്കിംഗ് ആരംഭിച്ചു .ദോഹയില്‍ നിന്ന് കൊച്ചിയിലേക്ക് എല്ലാ ചൊവ്വ, വ്യാഴം ദിവസങ്ങളിലും, കൊച്ചിയില്‍ നിന്ന് ദോഹയിലേക്ക് ബുധന്‍, വെള്ളി ദിവസങ്ങളിലും എയര്‍ ഇന്ത്യ സര്‍വീസ് നടത്തും.ബുധന്‍, ഞായര്‍ ദിവസങ്ങളിലാണ് ദോഹയില്‍ നിന്ന് ഹൈദരാബാദിലേക്കും തിരിച്ചും ഫ്ളൈറ്റ് ഉണ്ടാവുക.ദോഹയില്‍ നിന്ന് മുംബൈയിലേക്കുള്ള പുതിയ സര്‍വീസ് ബുധന്‍, വെള്ളി ദിവസങ്ങളില്‍ ആയിരിക്കും. അതേ സമയം മുബൈയില്‍ നിന്ന് ദോഹയിലേക്കുള്ള ഫ്ളൈറ്റുകള്‍ തിങ്കള്‍ മുതല്‍ വെള്ളി വരെ ആഴ്ചയില്‍ 5 ദിവസങ്ങളിലും സര്‍വീസ് നടത്തും.
