Breaking News
പെന്റഗണ്‍ മേധാവിയാകുന്ന ആദ്യ കറുത്ത വർഗക്കാരൻ; ജനറല്‍ ലോയ്ഡ് ഓസ്റ്റിന്റെ നിയമനത്തിന് സെനറ്റിന്റെ അംഗീകാരം | ഖത്തറിലെ മുൻപ്രവാസിയും പൊതുപ്രവർത്തകനുമായിരുന്ന പരയോടത്ത് അബുബക്കർ നാട്ടിൽ നിര്യാതനായി  | താലിബാനുമായുള്ള സമാധാന ചര്‍ച്ചയിലെ 'അഴിയാക്കുരുക്കുകള്‍' അഫ്ഗാനിസ്ഥാനെ ആശങ്കപ്പെടുത്തുന്നു | 'ഉപരോധം നിരുപാധികം നീക്കണം'; ജോ ബെയ്ഡനോട് ഇറാന്‍ വിദേശകാര്യമന്ത്രി | സൗദി ആരോഗ്യമന്ത്രാലയത്തിൽ വനിത നഴ്സുമാർക്ക് അവസരം | ഖത്തറിൽ കർവാ ടാക്സി ഡ്രൈവർമാർക്ക് കോവിഡ് വാക്സിൻ നൽകിത്തുടങ്ങി  | ഖത്തറിനെതിരായ ഉപരോധം അവസാനിച്ചത് തുര്‍ക്കിക്ക് ഭീഷണിയല്ല,മികച്ച അവസരമായെന്ന് വിലയിരുത്തൽ  | ഈ വര്‍ഷം മൂന്ന് ആരോഗ്യ കേന്ദ്രങ്ങളുടെയും ദേശീയ ലബോറട്ടറിയുടെയും നിര്‍മ്മാണം പൂര്‍ത്തീകരിക്കുമെന്ന് അഷ്ഗല്‍ | ഖത്തറിലെ ഖുര്‍ആന്‍ പഠന കേന്ദ്രങ്ങള്‍ അടുത്ത ആഴ്ച വീണ്ടും തുറക്കും | കോവിഡിന് ശമനമില്ല,ദുബായിൽ നിയന്ത്രണങ്ങൾ കടുപ്പിക്കുന്നു |
ഖത്തർ പോലീസ് കസ്റ്റഡിയിലെടുത്തു,രാത്രി മുഴുവൻ സെല്ലിലിരുന്ന് കരയുകയായിരുന്നുവെന്ന് നടൻ അശോകൻ

December 16, 2020

December 16, 2020

മലയാളത്തില്‍ ഏറെ ശ്രദ്ധേയമായ കഥാപാത്രങ്ങള്‍ ചെയ്‍ത നടൻ അശോകന്‍ ഖത്തറിൽ തനിക്കുണ്ടായ ദുരനുഭവം സമൂഹ മാധ്യമങ്ങളിൽ പങ്കുവെച്ചു.. പത്മരാജന്റെ സിനിമയിലൂടെ മലയാള സിനിമയില്‍ എത്തിയ അദ്ദേഹം നിരവധി സിനിമകളില്‍ നായകനായും സഹതാരമായും കഴിവ് തെളിയിച്ചിട്ടുണ്ട്.തന്റെ യൂട്യൂബ് ചാനലിലൂടെയാണ് ഖത്തറിൽ ജയിലില്‍ കിടക്കേണ്ട വന്ന അനുഭവം അശോകന്‍ പങ്കുവെച്ചത്.

മയക്കുമരുന്ന് മാഫിയുമായി ബന്ധമുണ്ടെന്ന സംശയത്തിന്റെ പുറത്തായിരുന്നു അശോകനെ ഖത്തര്‍ പൊലീസ് അറസ്റ്റ് ചെയ്തത്. 1988ല്‍ ആണ് ഈ സംഭവം. ഒരു സുഹൃത്തിനെ സന്ദര്‍ശിക്കാനാണ് അന്ന് ഖത്തറില്‍ പോയത്. അദ്ദേഹത്തിന്റെ വീട്ടിലെ വിരുന്നിന് ശേഷം ഞാനും എന്റെ മറ്റൊരു സുഹൃത്തും ഹോട്ടലിലേക്ക് തിരിച്ചു. ഹോട്ടല്‍ മുറി തുറക്കാന്‍ ശ്രമിച്ചപ്പോള്‍ സാധിച്ചില്ല. അപ്പോള്‍ സഹായിക്കാന്‍ മൂന്ന് നാല് അറബികള്‍ വന്നു. അവര്‍ പൂട്ടു തുറക്കുകയും അകത്തു കയറുകയും വാതില്‍ കുറ്റിയിടുകയും ചെയ്തു. ഞങ്ങള്‍ വല്ലാതെ ഭയന്നുപോയി. എന്താണ് സംഭവിക്കുന്നതെന്ന് മനസിലായില്ല. അശോകന്‍ പറയുന്നു.

അവര്‍ മുറി മുഴുവന്‍ പരിശോധിച്ചു. എന്റെ ബാഗും അലമാരയുമെല്ലാം വിശദമായി തിരഞ്ഞു. പിന്നീടാണ് മനസ്സിലായത് അവര്‍ ഡിറ്റക്ടീവുകളായിരുന്നു. പിന്നീട് തങ്ങളെ കൂട്ടിക്കൊണ്ടു പോയത് ഖത്തറിലെ പൊലീസ് സ്റ്റേഷനിലേക്കാണ്. അവരുടെ മേലുദ്യോഗസ്ഥന് മുന്നില്‍ എന്നെ ഹാജരാക്കി, അവര്‍ പരസ്പരം എന്തൊക്കേയോ അറബിയില്‍ പറയുന്നത് കേട്ടു. തന്റെ സുഹൃത്തിനെ അതിനിടെ ഒരു പോലീസ് ഉദ്യോഗസ്ഥന്‍ കൂട്ടിക്കൊണ്ടുപോയി. അയാള്‍ തിരിച്ചെത്തിയപ്പോള്‍ മുഖമെല്ലാം വല്ലാതെ ചുവന്നിരിക്കുന്നു. അയാളെ അവര്‍ അടിച്ചുവെന്നാണ് പറഞ്ഞത്.

വീഡിയോ കാണാം:

പിന്നീട് തങ്ങളെ സെല്ലില്‍ അടച്ചു. അവിടെ തനിക്കൊപ്പം രണ്ട് പാകിസ്താനി തടവുകാരാണ് ഉണ്ടായിരുന്നത്. ജീവിതം അവസാനിച്ചുവെന്ന് കരുതിയത്. എന്നാല്‍ പിന്നീട് തന്റെ സ്‌പോണ്‍സര്‍ ജയില്‍ എത്തുകയും അടൂര്‍ ഗോപാലകൃഷ്ണന്റെ ഒരു സിനിമയില്‍ താന്‍ അഭിനയിച്ചതിനെ കുറിച്ച്‌ ഖത്തറിലെ പത്രത്തില്‍ വന്ന ലേഖനം പൊലീസിനെ കാണിച്ചെന്നും അശോകന്‍ പറയുന്നു.

തന്റെ സുഹൃത്തിന്റെ ശത്രുക്കളില്‍ ആരോ താന്‍ മുമ്ബ് മയക്കുമരുന്നിന് അടിമയായി അഭിനയിച്ച ഒരു സിനിമയില്‍ നിന്ന് എടുത്ത ചിത്രങ്ങള്‍ വെച്ച്‌ കുടുക്കുകയായിരുന്നെന്നും അശോകന്‍ പറയുന്നു. മുമ്ബ് താന്‍ അഭിനയിച്ച തൂവാനതുമ്ബികള്‍ എന്ന ചിത്രത്തിനെ കുറിച്ചുള്ള വീഡിയോയും അശോകന്‍ പങ്കുവെച്ചിരുന്നു.

ന്യൂസ്‌റൂം വാർത്തകൾ മുടങ്ങാതെ ലഭിക്കാൻ :

TELEGRAM

https://t.me/s/newsroomme

FACEBOOK PAGE

https://www.facebook.com/newsroomme

WHATSAPP

https://chat.whatsapp.com/LZ20WFU8hdbBkgtTcfkxq7


ന്യൂസ്‌റൂം വാർത്തകൾ ടെലിഗ്രാമിൽ ലഭിക്കാൻ ജോയിൻ ചെയ്യുക

Latest Related News