August 27, 2021
August 27, 2021
കുവൈത്ത് സിറ്റി : രാജ്യത്തെ പൊതുമേഖലാ സ്ഥാപനങ്ങളില് പ്രവൃത്തിസമയം മാറ്റാനുള്ള നിര്ദേശം പരിഗണനയില്. രാവിലെ 9.30ന് തുടങ്ങി വൈകിട്ട് 5 ന് അവസാനിക്കുംവിധം സമയം ക്രമീകരിക്കാനാണ് അധികൃതരുടെ ആലോചന. അതെ സമയം ഉച്ചയ്ക്ക് ഒരു മണിക്കൂര് ഇടവേള നല്കും.
നിലവില് രാവിലെ 7.30 മുതല് 2 വരെയാണ് പ്രവൃത്തിസമയം. കുട്ടികളെ സ്കൂളില് നിന്ന് വീട്ടിലെത്തിക്കാന് രക്ഷിതാക്കള്ക്ക് സൗകര്യമൊരുക്കുന്നതിനാണ് ഒരു മണിക്കൂര് ഇടവേള.
പൊതു,സ്വകാര്യമേഖലകളിലെ പ്രവൃത്തി സമയം ഒരുപോലെയാക്കുകയാണ് ലക്ഷ്യം. സ്വകാര്യമേഖലയില് ജോലി ചെയ്യുന്നതിന് സ്വദേശി യുവാക്കളില് പ്രചോദനമേകാന് പുതിയ സമയക്രമം സഹായകമാകുമെന്നാണ് നിഗമനം .