October 25, 2019
October 25, 2019
മലപ്പുറം: മലപ്പുറം ജില്ലയിലെ തീരദേശ മേഖലകളില് വെള്ളിയാഴ്ച യു.ഡി.എഫ് ഹര്ത്താല് പ്രഖ്യാപിച്ചു. താനൂരില് മുസ്ലിം ലീഗ് പ്രവര്ത്തകര് കൊല്ലപ്പെട്ട സംഭവത്തില് പ്രതിഷേധിച്ചാണ് ഹര്ത്താല്. പൊന്നാനി, തിരൂര്, തിരൂരങ്ങാടി, പരപ്പനങ്ങാടി, എന്നിവിടങ്ങളില് രാവിലെ ആറു മുതല് വൈകീട്ട് ആറു വരെയാണ് ഹര്ത്താല്.
താനൂര് സ്വദേശിയായ ഇസ്ഹാഖാണ് കൊല്ലപ്പെട്ടത്.വെട്ടേറ്റ് ഗുരുതരാവസ്ഥയിലായ ഇസ്ഹാഖിനെ തിരൂർ ജില്ലാ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.അഞ്ചംഗ സംഘമാണ് ആക്രമത്തിനു പിന്നിലെന്ന് പൊലീസ് പറഞ്ഞു. സ്ഥലത്ത് വൻ പൊലീസ് സന്നാഹം ക്യാമ്പ് ചെയ്യുന്നുണ്ട്. കൊലക്ക് പിന്നില് സി.പി.ഐ.എം ആണെന്ന് മുസ്ലിം ലീഗ് ആരോപിച്ചു. കുറച്ച് കാലമായി താനൂരില് സി.പി.ഐ.എമ്മും മുസ്ലിം ലീഗും തമ്മില് സംഘര്ഷങ്ങള് നടന്നിരുന്നു.ഈ സാഹചര്യത്തിലാണ് പുതിയ ആക്രമണം ഉണ്ടായിരിക്കുന്നത്.