September 09, 2021
September 09, 2021
കുവൈത്ത് സിറ്റി: കുവൈത്ത് വിമാനത്താവളത്തിന്റെ നിര്മ്മാണത്തിലിരിക്കുന്ന പുതിയ കെട്ടിടത്തിന്റെ സൈറ്റിലുണ്ടായ മണ്ണിടിച്ചിലില് രണ്ട് പ്രവാസികള് മരിച്ചു. രണ്ട് നേപ്പാള് സ്വദേശികളാണ് മരിച്ചത്. ഒരാള്ക്ക് 48 വയസാണ് പ്രായം. രണ്ടാമന് 38 വയസും.
അപകടത്തില് പെട്ട ഇന്ത്യക്കാരനെ രക്ഷപ്പെടുത്തി. ഏകദേശം 6 മീറ്റര് ആഴത്തിലുള്ള കുഴിയിലാണു മണ്ണിടിച്ചില് ഉണ്ടായത്. പൊതുമരാമത്ത് മന്ത്രി റന അല് ഫാരിസി അടക്കമുള്ളവര് സംഭവ സ്ഥലത്ത് എത്തിയിട്ടുണ്ട്. ബുധനാഴ്ച വൈകുന്നേരമാണ് അപകടം നടന്നത്. നാലു മണിക്കൂര് നീണ്ട രക്ഷാപ്രവര്ത്തനത്തിന് ഒടുവിലാണ് ഇന്ത്യക്കാരനെ രക്ഷിക്കാനായത്.