December 12, 2021
December 12, 2021
ദോഹ : മസ്കത്ത്-ദോഹ റൂട്ടിൽ മൂന്ന് പുതിയ വിമാനങ്ങൾ കൂടി സർവീസ് നടത്തുമെന്ന് അധികൃതർ അറിയിച്ചു. ഖത്തർ എയർവേയ്സും, ഒമാൻ എയറും സംയുക്തമായാണ് പുതിയ വിമാനങ്ങൾ ഒരുക്കുന്നത്. കൂടുതൽ യാത്രക്കാരെ വഹിക്കാൻ ശേഷിയുള്ള വിമാനങ്ങളാണ് ഈ റൂട്ടിൽ പുതുതായി എത്തുന്നത്.
കോവിഡ് ഏല്പിച്ച ആഘാതത്തിൽ നിന്നും പതിയെ കരകയറുന്ന ടൂറിസം മേഖലയ്ക്ക് ഊർജ്ജം പകരാനാണ് ഈ നീക്കം. സഞ്ചാരികൾക്ക് ദോഹയിൽ നിന്നും ഒമാനിലേക്ക് എളുപ്പം എത്താനുള്ള സൗകര്യം വർധിപ്പിക്കുക എന്നതാണ് പുതിയ വിമാനങ്ങൾ പ്രഖ്യാപിച്ചതിന് പിന്നിലെ പ്രധാനലക്ഷ്യമെന്ന് ഒമാൻ എയർ സിഇഒ അബ്ദുൾ അസീസ് അൽ റൈസി അറിയിച്ചു. ഒമാനിലെ മറ്റൊരു പ്രധാനകേന്ദ്രമായ സലാലയിലേക്കും ഖത്തർ എയർവേയ്സ് സർവീസുകൾ നടത്തുന്നുണ്ട്.