September 21, 2021
September 21, 2021
കാബൂള്: അഫ്ഗാനില് പെണ്കുട്ടികളെ എത്രയും വേഗം സ്കൂളിലേക്ക് മടങ്ങാന് അനുവദിക്കുമെന്ന് താലിബാന് വക്താവ് സബീഹുല്ല മുജാഹിദ്. അഫ്ഗാന് മന്ത്രിസഭ വിപുലീകരിച്ച ശേഷം ചടങ്ങില് സംസാരിക്കുകയായിരുന്നു അദ്ദേഹം. വനിതകളെ ഉള്പ്പെടുത്താതെയാണ് മന്ത്രിസഭ വിപുലീകരിച്ചത്. അതേസമയം, മന്ത്രിസഭയില് ന്യൂനപക്ഷങ്ങളെയും ഉള്പ്പെടുത്തി.
അഫ്ഗാനിസ്താനില് പെണ്കുട്ടികളുടെ വിദ്യാഭ്യാസ രീതിയിലെ പരിഷ്കാരങ്ങള് കഴിഞ്ഞയാഴ്ചയാണ് താലിബാന് ഭരണകൂടം പ്രഖ്യാപിച്ചത്. ആണ്കുട്ടികളും പെണ്കുട്ടികളും ഒരുമിച്ച് ഒരു ക്ലാസ്മുറിയില് പഠിക്കുന്ന സമ്ബ്രദായം നിര്ത്തലാക്കിയിരുന്നു .എന്നാല് ഇതിനെതിരെ ആണ്കുട്ടികള് പഠനം ബഹിഷ്ക്കരിച്ചിരുന്നു .
ബിരുദാനന്തര ബിരുദമടക്കമുള്ള കോഴ്സുകളില് പെണ്കുട്ടികള്ക്ക് പഠനം പുനരാരംഭിക്കാം. എന്നാല്, ശിരോവസ്ത്രം ഒഴിവാക്കാനാവില്ല . പെണ്കുട്ടികളെ പഠിപ്പിക്കാന് വനിത അധ്യാപകരുണ്ടാകും. അതേസമയം, കഴിഞ്ഞദിവസം നിര്ത്തലാക്കിയ വനിതകാര്യ മന്ത്രാലയത്തെ സംബന്ധിച്ച് താലിബാന് വക്താവ് പ്രതികരിച്ചില്ല. ഗൈഡന്സ് മന്ത്രാലയം എന്നാണ് പുതിയ പേര്.