September 15, 2019
September 15, 2019
ജിദ്ദ : സൗദിയിൽ പള്ളിയിൽ കാവൽക്കാരനായി ജോലി ചെയ്തിരുന്ന മലയാളിയെ മരിച്ച നിലയിൽ കണ്ടെത്തി.ശാരാ ഹിറയിൽ മസ്ജിദ് ഇബ്നു ഖയ്യൂമിൽ കാവൽക്കാരനായിരുന്ന മലപ്പുറം കുണ്ടോട്ടി സ്വദേശി ചുങ്കത്ത് ഇമ്പിച്ചിക്കോയ തങ്ങളെ(40)യാണ് പള്ളിക്ക് സമീപം രക്തം വാർന്ന് മരിച്ച നിലയിൽ കണ്ടെത്തിയത്.ഇന്നലെ(ശനി)സന്ധ്യയോടെ സ്ത്രീകൾ നമസ്കരിക്കാൻ കയറുന്ന ഭാഗത്തായാണ് മൃതദേഹം കണ്ടെത്തിയത്.അപകടത്തിൽ മരിച്ചതാണോ ആരെങ്കിലും കൊലപ്പെടുത്തിയതാണോ എന്ന കാര്യത്തിൽ സ്ഥിരീകരണമായിട്ടില്ല.
പോലീസ് സ്ഥലത്തെത്തി പരിശോധന നടത്തി.അന്വേഷണം തുടരുകയാണ്.മൃതദേഹം ആശുപത്രി മോർച്ചറിയിലേക്ക് മാറ്റിയിട്ടുണ്ട്.
