December 10, 2020
December 10, 2020
റിയാദ് : സൗദിയിൽ കാലാവധി തീർന്ന വിസകൾ പുതുക്കാനോ കാലാവധി ദീർഘിപ്പിക്കാനോ കഴിയില്ലെന്ന് മാനവ ശേഷി,സാമൂഹിക വികസന മന്ത്രാലയം അറിയിച്ചു.വിദേശ തൊഴിലാളിയെ റിക്രൂട്ട് ചെയ്യാൻ നേടിയ വിസകൾ കൊറോണാ പ്രതിസന്ധിയും അതിർത്തികൾ അടച്ചതും കാരണം പ്രയോജനപ്പെടുത്താൻ കഴിഞ്ഞിട്ടില്ലെന്നും ഈ വിസയുടെ കാലാവധി അവസാനിച്ചുവെന്നും പകരം പുതിയ വിസ എടുക്കേണ്ടതുണ്ടോ എന്നുമുള്ള സൗദി പൗരന്റെ അന്വേഷണത്തിനുള്ള മറുപടിയായാണ് മന്ത്രാലയം ഇക്കാര്യം വ്യക്തമാക്കിയത്.
സൗദിയിൽ തൊഴിൽ വിസയുടെ കാലാവധി രണ്ടു വർഷമാണ്.കാലാവധി അവസാനിച്ച ശേഷം ഈ വിസകൾ പുതുക്കാനാവില്ലെന്നും മന്ത്രാലയം വ്യക്തമാക്കി.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക