January 02, 2021
January 02, 2021
ജിസാൻ : സൗദിയിലെ ജിസാൻ പ്രവിശ്യയിൽ പെട്ട അബൂ അരീഷിൽ വീടിന് തീപിടിച്ച് മൂന്നു കുട്ടികൾ മരണപ്പെട്ടു.നാല് പേർക്ക് പരിക്കേറ്റിട്ടുണ്ട്.മൂന്നു മുതൽ എട്ടു വയസ്സ് വരെ പ്രായമുള്ള രണ്ട് ആൺകുട്ടികളും ഒരു പെൺകുട്ടിയുമാണ് മരിച്ചത്.
അബൂഅരീഷ് കിംഗ് ഫൈസൽ റോഡിനോട് ചേർന്നുള്ള കെട്ടിടത്തിലെ താമസ സ്ഥലത്താണ് തീപിടുത്തമുണ്ടായത്.മരിച്ച കുട്ടികളുടെ മാതാവിനും മറ്റു മൂന്നു കുട്ടികൾക്കും പൊള്ളലേറ്റു.
മരിച്ച മൂന്നു കുട്ടികളെയും ചങ്ങലകളിൽ ബന്ധിച്ച നിലയിലാണ് കണ്ടെത്തിയതെന്ന് ബന്ധപ്പെട്ടവർ അറിയിച്ചു.മാനസിക വൈകല്യമുള്ള കുട്ടികൾ വീട്ടിൽ നിന്ന് പുറത്തുപോകാതിരിക്കാനാണ് ചങ്ങലയിൽ ബന്ധിച്ചതെന്ന് പിതാവ് പറഞ്ഞു.അഗ്നിബാധയുടെ കാരണം വ്യക്തമല്ല.സുരക്ഷാ വിഭാഗം അന്വേഷണം തുടങ്ങിയിട്ടുണ്ട്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക
