September 02, 2020
September 02, 2020
റിയാദ്: സൗദി അറേബ്യയിലെ റിയാദിന് തെക്ക് പടിഞ്ഞാറന് ഭാഗമായ അതീഖയില് പഴയ കെട്ടിടം തകര്ന്നുവീണ് മലയാളി ഉൾപെടെ രണ്ട് ഇന്ത്യാക്കാര് മരിച്ചു. അഞ്ചുപേര്ക്ക് പരിക്കേറ്റു.ചൊവ്വാഴ്ച രാത്രി 11.30 നാണ് അപകടമുണ്ടായത്.പാലക്കാട് എലുമ്പിലാശ്ശേരി സ്വദേശി നാലംകണ്ടം മുഹമ്മദ്(47) ആണ് മരിച്ച മലയാളി. മരിച്ച മറ്റൊരാൾ തമിഴ്നാട് സ്വദേശിയാണ്.
നഗരത്തിലെ മൊത്ത ചില്ലറ വ്യാപാര കേന്ദ്രങ്ങളിലൊന്നായ അതീഖയില് പച്ചക്കറി മാര്ക്കറ്റിന് സമീപമുള്ള കെട്ടിടത്തിന്റെ ഒരു ഭാഗമാണ് തകർന്നത്.തകര്ന്നുവീണ കെട്ടിട അവശിഷ്ടങ്ങള്ക്കടിയില്പെട്ട രണ്ടു പേരും തല്ക്ഷണം മരിച്ചു.അപകടത്തിൽ പെട്ടവരെ ശുമൈസി ആശുപത്രിയിൽ പ്രവേശിപ്പിച്ചു.
വിവരം ലഭിച്ചയുടൻ സിവിൽ ഡിഫൻസ്,പോലീസ്,റെഡ് ക്രസന്റ് വിഭാഗങ്ങൾ സ്ഥലത്തെത്തി രക്ഷാപ്രവർത്തനം നടത്തി.
ന്യൂസ്റൂം വാർത്തകൾ ടെലഗ്രാമിൽ ലഭിക്കാൻ ഈ ലിങ്കിൽ ചേരുക.വാർത്തകൾ വാട്സ്ആപ്പിൽ ലഭിക്കാൻ +974 66200167 എന്ന നമ്പറിൽ ബന്ധപ്പെടുക.