December 22, 2021
December 22, 2021
അയോധ്യ : ഇന്ത്യയിൽ ഏറെ ചർച്ച ചെയ്യപ്പെട്ട വിധികളിൽ ഒന്നാണ് അയോധ്യ രാമക്ഷേത്രത്തിന്റേത്. ബാബരി മസ്ജിദിന് അയോധ്യയിൽ തന്നെ വേറെ സ്ഥലം കണ്ടെത്താം എന്നായിരുന്നു കോടതിയുടെ തീരുമാനം. വിവാദഭൂമിയിൽ രാമക്ഷേത്രത്തിന്റെ നിർമാണം നൽകാനുള്ള അനുമതിയും കോടതി നൽകി. ഇതിന് പിന്നാലെ, ക്ഷേത്രത്തിന് നൽകിയ ഭൂമിയുടെ സമീപപ്രദേശങ്ങൾ സ്വന്തമാക്കാൻ രാഷ്ട്രീയപാർട്ടികളും മറ്റും മത്സരിക്കുകയാണ് എന്ന റിപ്പോർട്ട് ആണ് പുറത്തുവന്നിരിക്കുന്നത്.
ഇന്ത്യൻ എക്സ്പ്രസ്സ് പത്രത്തിന്റെ കണ്ടെത്തൽ അനുസരിച്ച് പ്രാദേശിക എംഎൽഎ മുതൽ ഉന്നത ഉദ്യോഗസ്ഥർ വരെ ഇവിടെ ഭൂമി സ്വന്തമാക്കിയിട്ടുണ്ട്. എംഎൽഎ തന്റെ പേരിൽ തന്നെ ഭൂമി വാങ്ങിയപ്പോൾ, ഉദ്യോഗസ്ഥർ ബന്ധുക്കളെ ബിനാമി ആക്കിയാണ് ഭൂമി കൈവശപെടുത്തിയത്. രാമക്ഷേത്രം ഉദ്ഘാടനം ചെയ്യപെടുന്നതോടെ ലഭിക്കുന്ന സാമ്പത്തിക നേട്ടമാണ് ഇക്കൂട്ടരുടെ ലക്ഷ്യം എന്നാണ് ഇന്ത്യൻ എക്സ്പ്രസ്സിന്റെ നിഗമനം. 14 ഭൂമി ഇടപാടുകളാണ് ഇന്ത്യൻ എക്സ്പ്രസ്സ് പഠനവിധേയമാക്കിയത്. ഭൂമി വാങ്ങിയവരിൽ ബഹുഭൂരിഭാഗവും ബിജെപി അനുഭാവികൾ ആണെന്നും റിപ്പോർട്ടുകളുണ്ട്.
