September 27, 2021
September 27, 2021
കോവിഡിനെ പ്രതിരോധിക്കാനുള്ള വാക്സിനുകളിൽ പ്രധാനിയായ ഫിസർ നിർണ്ണായകമായ ചുവടുവെപ്പിന് ഒരുങ്ങുന്നു. അഞ്ച് മുതൽ 11 വയസുവരെ പ്രായമുള്ള കുട്ടികൾക്കുള്ള വാക്സിൻ ഏതാനും ദിവസങ്ങൾക്കകം പുറത്തിറക്കുമെന്ന പ്രഖ്യാപനവുമായി രംഗത്തെത്തിയിരിക്കുകയാണ് ഫിസർ സിഇഒ ആൽബർട്ട് ബൗർല.
സ്കൂളുകളിലേക്ക് കുട്ടികൾ വീണ്ടും ഒഴുകാൻ തുടങ്ങിയ ഈ വേളയിൽ ഏറെ പ്രധാനപെട്ടതാണ് ഈ കണ്ടുപിടിത്തം. കോവിഡ് വൈറസ് കുട്ടികളിലേക്ക് പടരുന്നതിന്റെ തോത് കൂടിയിട്ടുണ്ടെന്ന് ഈയിടെ ലോകാരോഗ്യസംഘടന കണ്ടെത്തിയിരുന്നു. ഇതുകൂടി കണക്കിലെടുത്താണ് ഫിസർ വാക്സിൻ പെട്ടെന്ന് തന്നെ പുറത്തിറക്കാൻ തീരുമാനിച്ചത്. കമ്പനി നടത്തിയ പരീക്ഷണത്തിൽ കുട്ടികൾക്ക് രണ്ട് ഡോസും കൊടുത്തെന്നും, മുതിർന്നവർക്കുള്ള അതേ പ്രതിരോധ ശേഷി ഈ കുട്ടികൾ കൈവരിച്ചതായും ഫിസർ സിഇഒ അറിയിച്ചു.
