January 28, 2022
January 28, 2022
കുവൈത്ത് സിറ്റി : കുവൈത്തിലെ കോവിഡ് പരിശോധന നിരക്കിൽ മാറ്റം വരുത്തിയതായി ആരോഗ്യമന്ത്രാലയം അറിയിച്ചു. പീസീആർ പരിശോധനയുടെ നിരക്കാണ് പുനർനിശ്ചയിച്ചത്. പീസീആറിന് പരമാവധി ആറ് ദിനാർ മാത്രമേ ഈടാക്കാവൂ എന്ന പുതിയ നിബന്ധന ജനുവരി 30 ഞായർ മുതൽ പ്രാബല്യത്തിൽ വരും.
നേരത്തെ ഒൻപത് ദിനാർ ആയിരുന്നു പരമാവധി നിരക്കെങ്കിലും, പല ക്ലിനിക്കുകളും എട്ട് ദിനാറിനും പരിശോധന നടത്താൻ സൗകര്യമുണ്ടായിരുന്നു. നാട്ടിലേക്കുള്ള യാത്രക്ക് പീസീആർ പരിശോധന നിർബന്ധമായതിനാൽ നിരക്ക് കുറച്ചത് പ്രവാസികൾക്ക് ഏറെ ഉപകാരപ്രദമാകും. കോവിഡിന്റെ പ്രാരംഭകാലത്ത് 40 ദിനാറുണ്ടായിരുന്ന നിരക്കാണ് പലതവണ കുറച്ച് ആറ് ദിനാറിലേക്കെത്തിയത്.