November 27, 2021
November 27, 2021
ദക്ഷിണാഫ്രിക്കയിൽ പുതിയ തരം കോവിഡ് വൈറസിനെ കണ്ടെത്തിയതിന് പിന്നാലെ യാത്രക്കാർക്ക് നിർദ്ദേശങ്ങളുമായി എമിറേറ്റ്സ്. ഏഴോളം ആഫ്രിക്കൻ രാജ്യങ്ങളിൽ നിന്നുള്ള യാത്രക്കാർക്ക് അറബ് രാജ്യങ്ങൾ പ്രവേശനവിലക്ക് ഏർപെടുത്തിയതിന് പിന്നാലെയാണ് എമിറേറ്റ്സ് തങ്ങളുടെ വെബ്സൈറ്റിൽ പുതിയ നിർദ്ദേശങ്ങൾ പ്രസിദ്ധീകരിച്ചത്.
യാത്ര ആരംഭിക്കുന്നതിന് മുൻപായി വെബ്സൈറ്റ് സന്ദർശിച്ച് നിർദ്ദേശങ്ങൾ വായിക്കണമെന്നും എമിറേറ്റ്സ് അധികൃതർ അഭ്യർത്ഥിച്ചു. പുതിയ നിയന്ത്രണങ്ങൾ കാരണം യാത്രക്ക് തടസ്സം നേരിടുന്നവർ റീബുക്കിങ് ഉൾപ്പെടെ ഉളള കാര്യങ്ങൾക്കായി അതത് ട്രാവൽ ഏജന്റുമാരെ ബന്ധപ്പെടണമെന്നും എമിറേറ്റ്സ് അറിയിച്ചു. എമിറേറ്റ്സ് കോൾ സെന്ററിന്റെ സേവനം ഉപയോഗിച്ചും യാത്ര സംബന്ധിച്ചുള്ള സംശയങ്ങൾ തീർക്കാം.