മസ്കത്ത് : കൊറോണ വ്യാപനം തടയാൻ ലക്ഷ്യമാക്കി ഒമാൻ ഗവർണറേറ്റുകൾക്കിടയിൽ ഏർപെടുത്തിയ ലോക്ഡൗൺ ശനിയാഴ്ച പിൻവലിക്കും. രാജ്യത്ത് ഏർപെടുത്തിയ രാത്രി കാല സഞ്ചാര വിലക്കിന്റെ സമയം കുറക്കാനും ബുധനാഴ്ച ചേർന്ന സുപ്രീം കമ്മിറ്റി യോഗം തീരുമാനിച്ചു.
കൊറോണവൈറസ് കേസുകളും മരണവും വർധിച്ച പാശ്ചാത്തലത്തിലാണ് ജൂലൈ 25 മുതൽ ആഗസ്ത് എട്ട് വരെ ലോക്ഡൗൺ ഏർപെടുത്തിയത്. പുതിയ തീരുമാനപ്രകാരം ശനിയാഴ്ച പുലർച്ചെ ആറു മുതൽ ഗവർണറേറ്റുകൾക്കിടയിലെ ലോക് ഡൗൺ പിൻവലിക്കും.
ശനിയാഴ്ച മുതൽ ആഗസ്ത് 15 വരെ രാത്രി 9 മുതൽ പുലർച്ചെ 5 വരെയാണ് സഞ്ചാര വിലക്ക് പ്രാബല്യത്തിൽ ഉണ്ടാവുക.
അതേസമയം, ദോഫാർ ഗവർണറേറ്റിലെ ലോക്ഡൗൺ ഇനിയൊരു അറിയിപ്പ് ഉണ്ടാകുന്നത് വരെ തുടരാനും തീരുമാനിച്ചതായി ഒമാൻ വാർത്താ ഏജൻസി റിപ്പോർട്ട് ചെയ്തു.
വാർത്തകൾ മുടങ്ങാതെ ലഭിക്കാൻ +974 66200167 എന്ന ഖത്തർ വാട്സ്ആപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക