June 01, 2020
June 01, 2020
മസ്കത്ത് : കോവിഡ് പ്രതിരോധ നടപടികളെ തുടർന്നുണ്ടായ സാമ്പത്തിക പ്രതിസന്ധികൾ നേരിടാൻ മസ്കത്ത് മുനിസിപ്പാലിറ്റിക്ക് കീഴിലെ വിവിധ ഫീസുകളിൽ ഇളവുകൾ പ്രഖ്യാപിച്ചു. ഇതനുസരിച്ച് വിവിധ കരാറുകളുടെ രജിസ്‌ട്രേഷൻ ഫീസ് ഇനത്തിൽ ഇളവുകൾ നൽകും.പാർപ്പിട,വാണിജ്യ കരാറുകൾക്കുള്ള ഫീസ് ഇനത്തിലും പിഴയിലും ലൈൻസിനായുള്ള ഫീസ് നിരക്കിലും പിഴയിലും ഇളവുകൾ ലഭിക്കും.മുനിസിപ്പാലിറ്റിയിൽ നിയമപ്രകാരം അടക്കേണ്ട നികുതികൾക്കും ഇളവുകൾ ബാധകമായിരിക്കും
റെസ്റ്റോറന്റുകൾക്കും കഫേകൾക്കും 2020 മാർച്ച് 19 മുതൽ 2020 ഓഗസ്റ്റ് 31 വരെയുള്ള ലൈസൻസ് പുതുക്കാനുള്ള ഫീസും അഞ്ചു ശതമാനം മുനിസിപ്പാലിറ്റി നികുതിയും ഒഴിവാക്കിയിട്ടുണ്ട്. താമസ-വാണിജ്യ കരാറുകളിൽ ഫെബ്രുവരി ഒൻപതു മുതൽ ജൂൺ ഒന്നുവരെയുള്ള കാലയളവിലെ പിഴകളിലാണ് ഇളവനുവദിക്കുക. കോവിഡ് പ്രതിരോധത്തിനായുള്ള സുപ്രീം കമ്മറ്റിയുടെ നിർദേശപ്രകാരമാണ് തീരുമാനം.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
