February 20, 2022
February 20, 2022
കുവൈത്ത് സിറ്റി : യാത്രാ മാനദണ്ഡങ്ങളിൽ കുവൈത്ത് പ്രഖ്യാപിച്ച ഇളവുകൾ ഇന്ന് മുതൽ പ്രാബല്യത്തിൽ വരും. വാക്സിനേഷൻ പൂർത്തിയാക്കിയ വ്യക്തികൾക്ക് രാജ്യത്ത് ഇനി പീസീആർ പരിശോധനയും കൊറന്റൈനും ആവശ്യമില്ല. വാക്സിൻ എടുക്കാത്ത ആളുകൾക്കും കുവൈത്തിൽ പ്രവേശിക്കാമെന്നതാണ് മറ്റൊരു മാറ്റം.
സ്വദേശികൾക്ക് മാത്രമാണ് ഇളവുകൾ എന്നായിരുന്നു ആദ്യ പ്രഖ്യാപനമെങ്കിലും, 24 മണിക്കൂറിനകം വ്യോമയാന വകുപ്പ് ഈ ഉത്തരവ് തിരുത്തി. ഇതോടെ പുതിയ ഇളവുകൾ പ്രവാസികൾക്കും ആശ്വാസമേകും. വാക്സിനെടുക്കാതെ കുവൈത്തിൽ എത്തുന്നവർ 72 മണിക്കൂർ മുൻപെങ്കിലും എടുത്ത പീസീആർ പരിശോധനാ ഫലം ഹാജരാക്കണം. ഇവർ ഏഴുദിവസം ക്വാറന്റൈനിൽ കഴിയുകയും വേണം. കഴിഞ്ഞ ആഴ്ച്ച ചേർന്ന മന്ത്രിസഭാ യോഗമാണ് ഇളവുകൾ പ്രഖ്യാപിച്ചത്. കോവിഡ് വ്യാപനത്തിന്റെ തോത് കുറഞ്ഞതോടെയാണ് നടപടി.
