March 21, 2022
March 21, 2022
കുവൈത്ത് സിറ്റി : താമസസ്ഥലത്ത് കഞ്ചാവ് ചെടികൾ വളർത്തുകയും, വില്പന നടത്തുകയും ചെയ്ത രണ്ടുപേരെ അറസ്റ്റ് ചെയ്തതായി കുവൈത്ത് ഡ്രഗ്സ് ആൻഡ് ആൽക്കഹോൾ ജനറൽ ഡിപ്പാർട്ട്മെന്റ് ക്രിമിനൽ സെക്യൂരിറ്റി വിഭാഗം അറിയിച്ചു. ചോദ്യം ചെയ്യലിൽ കുറ്റം തുറന്നുസമ്മതിച്ച പ്രതികളെ തുടർനടപടികൾക്കായി പബ്ലിക്ക് പ്രോസിക്യൂഷന് കൈമാറി.
പതിനാല് ഗ്രാം കഞ്ചാവടങ്ങിയ രണ്ട് പൊതികളും, നേരിയ അളവിൽ ഹാഷിഷുമായി, പ്രതികളിൽ ഒരാൾ പിടിയിലായതോടെയാണ് കഞ്ചാവ് കൃഷിയെ കുറിച്ച് സൂചന ലഭിച്ചത്. പ്രതിയിൽ നിന്നും വിവരങ്ങൾ ശേഖരിച്ച അന്വേഷണസംഘം, റെയ്ഡിനുള്ള അനുമതി വാങ്ങിയ ശേഷം താമസസ്ഥലത്ത് പരിശോധന നടത്തുകയായിരുന്നു. മുൻപ് മയക്കുമരുന്ന് വില്പന നടത്തിയിട്ടുണ്ട് എന്നും പ്രതികൾ കുറ്റസമ്മതം നടത്തിയിട്ടുണ്ട്.