September 10, 2021
September 10, 2021
കുവൈത്ത് സിറ്റി : പ്രവാസികൾക്ക് കനത്ത ആശുപത്രി ബില്ലുകൾ വരുന്നത് തടയാനുള്ള പരിശ്രമവുമായി കുവൈറ്റ് ആരോഗ്യമന്ത്രാലയം. മരുന്നുകളുടെയും, ആരോഗ്യരംഗത്തെ മറ്റ് അനുബന്ധവസ്തുക്കളുടെയും വില കുറയ്ക്കാനുള്ള നിർദ്ദേശങ്ങൾ മന്ത്രിമാരുടെ കൗൺസിലിൽ അവതരിപ്പിക്കാനാണ് ആരോഗ്യവകുപ്പ് ശ്രമിക്കുന്നത്.
മെഡിക്കൽ ഇൻഷുറൻസ് രംഗത്തെ അവതാളത്തിലാക്കാത്ത വിധത്തിൽ, പ്രവാസികൾക്ക് ചികിത്സാ ആനുകൂല്യങ്ങൾ നൽകാൻ കഴിയുമോ എന്നതാണ് മന്ത്രാലയം പരിശോധിക്കുന്നത്. വിശദമായ റിപ്പോർട്ട് സമർപ്പിച്ച്, വരും വർഷത്തിൽ 10 ശതമാനം എങ്കിലും ചികിത്സാ നിരക്ക് താഴേക്ക് കൊണ്ടുവരാൻ കഴിയുമെന്ന് മന്ത്രാലയം കണക്കുകൂട്ടുന്നു. ഇക്കാര്യത്തിൽ സാമ്പത്തികകാര്യ മന്ത്രാലയവും ആരോഗ്യവകുപ്പിനെ സഹായിക്കും.
