September 04, 2021
September 04, 2021
ബെയ്റൂട്ട് : ഇന്ധനവില ക്രമാതീതമായി ഉയരുന്നതിനെതിരെ ലബനനിൽ വേറിട്ട പ്രതിഷേധം. തലസ്ഥാനനഗരിയായ ബെയ്റൂട്ടിൽ നിന്ന് മുപ്പത് കിലോമീറ്റർ അകലെയുള്ള ജിയ ടൗണിലെ ഒരുപറ്റം ആളുകൾ പെട്രോൾ പമ്പിൽ വെച്ച് ജുമാ നിസ്കാരം നിർവഹിച്ചാണ് തങ്ങളുടെ പ്രതിഷേധം അറിയിച്ചത്.
ഷെയ്ഖ് അലി അൽ ഹുസൈൻ എന്ന പണ്ഡിതനാണ് നമസ്കാരത്തിന് നേതൃത്വം കൊടുത്തത്. വാഹനത്തിൽ ഇന്ധനം നിറയ്ക്കാനായി വലിയ ക്യൂ അനുഭവപ്പെട്ട പമ്പിന് സമീപത്ത് ഉണ്ടായിരുന്ന ആളുകൾ നമസ്കാരത്തിൽ പങ്കെടുത്തു. മൂന്ന് കിലോമീറ്ററോളം നീണ്ട വരിയാണ് പമ്പിൽ അനുഭവപ്പെട്ടത്. വില നിയന്ത്രിക്കാൻ അധികാരികൾ പരിശ്രമിക്കുന്നില്ല എന്നാരോപിച്ച് രാജ്യമെങ്ങും പ്രതിഷേധങ്ങൾ അരങ്ങേറുകയാണ്.