June 19, 2022
June 19, 2022
കുവൈത്ത് സിറ്റി: ക്രിസ്ത്യൻ മത ചിഹ്നങ്ങൾ വിൽപന നടത്തുന്നതിന് കുവൈത്തിൽ വിലക്ക് ഏർപെടുത്തിയിട്ടില്ലെന്ന് വാണിജ്യമന്ത്രാലയം അറിയിച്ചു. കുരിശ് ഉള്പ്പെടെയുള്ള ക്രിസ്ത്യന് ചിഹ്നങ്ങള് ഉൾപ്പെടുത്തിയ ആഭരണങ്ങള് പിടികൂടിയതായി സമൂഹ മാധ്യമങ്ങളില് പ്രചരിച്ച വാർത്തകൾ അടിസ്ഥാനരഹിതമാണെന്നും വാണിജ്യ മന്ത്രാലയത്തിലെ പ്രഷ്യസ് മെറ്റല്സ് ഡിപ്പാര്ട്മെന്റ് ഡയറക്ടര് സാദ് അല് സെയ്ദി പറഞ്ഞു.
മതചിഹ്നമെന്ന നിലയില് കുരിശ് വില്ക്കുന്നതിന് കുവൈത്തില് വിലക്കില്ല.എന്നാൽ സ്വവര്ഗരതിയെ പ്രോത്സാഹിപ്പിക്കുന്നതോ സാത്താനുമായി ബന്ധമുള്ളതോ ആയ ആഭരണങ്ങള് വില്ക്കാന് രാജ്യത്തെ നിയമം അനുവദിക്കുന്നില്ല. ആറുലക്ഷത്തിനുമേല് വിവിധ രാജ്യക്കാരായ ക്രൈസ്തവ വിശ്വാസികള് കുവൈത്തിലുണ്ടെന്നാണ് കണക്കുകള്. 250ലേറെ സ്വദേശികളും ക്രിസ്ത്യാനികളായുണ്ട്. ഇവര്ക്ക് ആരാധനസ്വാതന്ത്ര്യം രാജ്യം അനുവദിക്കുന്നുണ്ട്.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക